2024-10-21 12:14
Информагентства
Մհեր Գրիգորյանը մտավախություն չունի, որ Ադրբեջանը չի ստորագրի սահմանազատման կանոնակարգը
ՀՀ փոխվարչապետ Մհեր Գրիգորյանը չունի մտավախություն, որ Ադրբեջանը կամ կձգձգի, կամ չի ստորագրի ՀՀ-ի հետ սահմանազատման կանոնակարգը։
Այսօր այս մասին ԱԺ-ում լրագրողների հետ ճեպազրույցում հայտարարեց նա։
«Գործընթացը սինխրոն ընթանում է, ուղղակի չգիտեմ, թե որ փուլում է Ադրբեջանում։ Ստորագրման պահին տրամաբանությունը ենթադրում է, որ սինխրոն կլինի։ Ես չունեմ մտավախություն, որ Ադրբեջանում չեն վավերացնի փաստաթուղթը», - նշեց Գրիգորյանը ԱԺ արտաքին հարաբերությունների մշտական հանձնաժողովի հերթական նիստից առաջ։
Նշենք, որ հանձնաժողովում այս պահին քննարկվում է «Հայաստանի Հանրապետության և Ադրբեջանի Հանրապետության միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի Հանրապետության և Հայաստանի Հանրապետության միջև պետական սահմանի սահմանազատման պետական հանձնաժողովի համատեղ գործունեության մասին» կանոնակարգը վավերացնելու մասին հարցը։
«Եթե ստորագրել ենք կանոնակարգը, կարծում եմ` որևէ պատրվակով այն չվավերացնելը որևէ կողմից բացատրություն չի ունենա, բայց այնուամենայնիվ, եթե նման բան տեղի ունենա, մենք վավերացնելուց հետո ունենք վերջին փուլ, որ կանոնակարգը ուժի մեջ կմտնի, երբ փոխանակենք ծանուցումների բնօրինակները, և, բնականաբար, եթե ծանուցումների փոխանակում չլինի, պրոցեսը կընդհատվի։ Մենք չենք ունենա իրավական մի վիճակ, որ մեր վավերացնելուց հետո մերը մտնի ուժի մեջ , իսկ Ադրբեջանից չունենանք տեքստ»,– նիստի ժամանակ ասաց Գրիգորյանը։
Նա հիշեցրեց, որ կանոնակարգը լրացնում է սահմանագծման հանձնաժողովների աշխատանքի իրավական հիմքերը, բացի այդ, սահմանային բնակիչների համար կստեղծի անվտանգության լրացուցիչ մեխանիզմներ։
Sputnik Արմենիա
ПОСЛЕДНИЕ ОТ АВТОРА
-
New2025-03-18 19:40В возрасте 92 лет скончался Бедрос Киркоров — народный артист России, отец "короля" российской эстрады" Филиппа Киркорова. О смерти сообщил в соцсетях его сын Филипп Киркоров.
-
New2025-03-18 19:38Голосованием Совета старейшин Алаверди члены фракции «Страна для жизни» лишены мандатов. Об этом говорится в заявлении, распространенном партией «Страна для жизни».
-
New2025-03-18 19:37На трехдневный медиатур для представителей 10 турецких СМИ, организованный с целью урегулирования армяно-турецких отношений, потрачено 7 550 280 драмов. Об этом ответили на письменный запрос Factor.am представители ГНКО «Центр общественных связей и информации».
-
New2025-03-18 19:36"Суд" в Баку удовлетворил ходатайство защиты экс-госминистра Нагорного Карабаха Рубена Варданяна. Об этом пишут азербайджанские СМИ.