2024-10-26 16:00
Информагентства
Քաղաքականացված շահարկումներ են. ՔԿ-ից նշել են` ինչու էր կալանավորել Մարտակերտի քաղաքապետը
Արցախի Հանրապետության Մարտակերտ համայնքի ղեկավար Միշա Գյուրջյանը տնային կալանքից ազատվել է ՀՀ կառավարության կարգավորումների փոփոխությունների արդյունքում։Տեղեկությունը հայտնում է ՀՀ քննչական կոմիտեի մամուլի ծառայությունը։
Ավելի վաղ հայտնել էինք, որ Միշա Գյուրջյանը ձերբակալվել էր մայիսին։ Նա մեղադրվում է խարդախությամբ խոշոր չափերով հափշտակության և փաստաթղթեր կեղծելու համար։ Ըստ ՔԿ–ի` նա խմբի հետ փաստաթուղթ է կեղծել և կատարել խոշոր չափերով գույքի հափշտակություն` 1.935.000 դրամ արժողությամբ «CHEVROLET LACETTI-1.4» մակնիշի (2010 թվականի թողարկման) թեթև մարդատար ավտոմեքենա։
«Միշա Գյուրջյանի նկատմամբ քրեական հետապնդումը դադարեցնելու որոշումը անհիմն և ակնհայտորեն քաղաքականացված շահարկումների տեղիք է տվել»,– նշված է հաղորդագրության մեջ։
ՔԿ–ից հայտնում են, որ Գյուրջյանի նկատմամբ հանրային քրեական հետապնդման դադարեցման համար հիմք է հանդիսացել ՀՀ կառավարության` հոկտեմբերի 10–ի որոշումը։ Ըստ այդ որոշման` Լեռնային Ղարաբաղից բռնի տեղահանման արդյունքում ՀՀ տարածքում հայտնված և մասնավոր սեփականություն չհանդիսացող՝ մինչև 2017 թ․ արտադրության ավտոմոբիլների նկատմամբ սեփականության իրավունքի պետական գրանցումը կատարվում է ԼՂ ժամանակավոր պաշտպանության տակ վերցված և նշված տրանսպորտային միջոցները փաստացի տիրապետող կամ օգտագործող անձանց անվամբ։
ՔԿ–ից նաև նշում են, որ Գյուրջյանի կողմից ավտոմեքենան իր անվամբ գրանցելու ժամանակահատվածում ներկայացվել են տեղեկանքներ, որոնք իրականությանը չեն համապատասխանել կամ գոյություն չեն ունեցել, և այդ եղանակով այդ ավտոմեքենան անհատույց և ապօրինի դարձրել է իրենը։
ՀՀ կառավարության որոշմամբ ստացվում է, որ Գյուրջյանի արարքը չի կարող համարվել հանցանք:
Այդ իսկ պատճառով միջնորդություն է ներկայացվել նրա նկատմամբ հանրային քրեական հետապնդումը դադարեցնելու վերաբերյալ, որը բավարարվել է։
Հիշեցնենք` Գյուրջյանին մեղադրանք էր ներկայացվել ՀՀ քրեական օրենսգրքի 255-րդ հոդվածի 2-րդ մասի 1-ին և 3-րդ կետերով (խարդախություն) և 457-րդ հոդվածի 2-րդ մասով (փաստաթղթեր, դրոշմներ, կնիքներ, ձևաթղթեր կեղծելը կամ կեղծ փաստաթղթեր, դրոշմներ, կնիքներ, ձևաթղթեր իրացնելը, պատրաստելը կամ օգտագործելը)։
Նրա կալանքը տնային կալանքով փոխարինվել էր հունիսի 27-ին։
Sputnik Արմենիա
ПОСЛЕДНИЕ ОТ АВТОРА
-
2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".