2024-11-08 09:21
Информагентства
ԻՐԱՆԸ ՊԱՏՐԱՍՏ Է ԽՈՐԱՑՆԵԼ ՀԱՐԱԲԵՐՈՒԹՅՈՒՆՆԵՐԸ ՀԱՅԱՍՏԱՆԻ ՀԵՏ, ԲԱՅՑ ՀՍՏԱԿՈՒԹՅՈՒՆ Է ՈՒԶՈՒՄ
Իրանը վճռական է Հայաստանի հետ համագործակցությունը խորացնելու և ընդլայնելու հարցում, սակայն կարող է մտահոգություններ ունենալ Երևանի անորոշ արտաքին քաղաքականության հետ կապված: Այս մասին Sputnik Արմենիայի հետ զրույցում ասաց ԻԻՀ Մեջլիսի նախկին պատգամավոր Ռոբերտ Բեգլարյանը։
Նրա խոսքով՝ Իրանը, որին մտահոգում է տարածաշրջանային իրադրությունը, ձգտում է փոխգործակցել տարածաշրջանի առանցքային երկրների հետ: Իրանի դիրքորոշումը համագործակցության հարցերում՝ հիմնված փոխադարձ հարգանքի և տարածքային ամբողջականության պահպանման վրա, շատ հարցերում համընկնում է Հայաստանի շահերի հետ։
Բեգլարյանը կարծում է, որ Իրանը կշարունակի զարգացնել փոխգործակցությունը Հայաստանի հետ, հատկապես տնտեսության, ենթակառուցվածքային նախագծերի ոլորտում և միջազգային ասպարեզում: Թեհրանի համար Երևանը կարևոր է նաև որպես լոգիստիկ շղթաների և մատակարարումների դիֆերսիֆիկացմանգործընկեր:
«Իրանն այս համագործակցությունը դիտարկում է ոչ միայն որպես տնտեսական հնարավորություն, այլև որպես տարածաշրջանային անվտանգության գործոն։ Հայաստանն իրավունք ունի հարաբերություններ զարգացնել տարբեր երկրների հետ, բայց Իրանը, անշուշտ, կփորձի առանձնահատուկ տեղ զբաղեցնել այդ գործընթացում»,-ընդգծեց Բեգլարյանը։
Նրա կարծիքով՝ երկու երկրները պետք է ձգտեն նվազագույնի հասցնել արտաքին գործոնների ազդեցությունը երկկողմ հարաբերությունների վրա։
Մեկնաբանելով ԱՄՆ ընտրությունների արդյունքները՝ Բեգլարյանը նշեց, որ Դոնալդ Թրամփի վերադարձը դժվար թե իրավիճակ փոխի Իրանի համար, չնայած այն տարածված կարծիքին, թե «Թրամփն այլևս այն չէ, ժամանակներն էլ ուրիշ են»: Հենց Թրամփի օրոք էր Իրանի վրա ճնշումը առավելագույնին հասել, այնտեղ դա չեն մոռացել։
Բեգլարյանը հիշեցրեց, որ Թրամփը ձգտում էր փոխել միջուկային ծրագրի վերաբերյալ Գործողությունների համատեղ համապարփակ ծրագիրը՝ նախկին համաձայնագիրն անարդար համարելով և փորձելով ԱՄՆ-ի համար ավելի ձեռնտու պայմաններ ապահովել:
Այնուամենայնիվ, նրա կարծիքով, պետք է սպասել ԱՄՆ-ի և Իրանի արտաքին քաղաքականության մեջ նոր օրակարգի ձևավորման:
ԱՄՆ արտաքին քաղաքականության մեջ փոփոխություններ Բեգլարյանը չի ակնկալում։ Նա ենթադրում է, որ երկու երկրներն էլ սպասողական դիրք կգրավեն՝ ուշադիր հետևելով միմյանց։ Փորձագետը կասկածում է, որ Թրամփը, չնայած պատերազմները դադարեցնելու մասին իր հայտարարություններին, կկարողանա օբյեկտիվ լինել Գազայի հակամարտության հարցում և բիզնեսի շահերը արդարությունից վեր դասել:
ПОСЛЕДНИЕ ОТ АВТОРА
-
New2025-05-06 19:49Лидер Христианско-демократического союза (ХДС) Фридрих Мерц (Friedrich Merz) 6 мая был избран канцлером ФРГ со второй попытки. Как сообщает Арменпресс со ссылкой на Deutsche Welle, за его кандидатуру отдали свои голоса 325 депутатов бундестага из минимально необходимых 316.
-
New2025-05-06 19:4634-летняя жительница Котайкской области получила уведомление о явке в Следственный комитет за комментарий под статьей о премьер-министре Армении одного из СМИ.
-
New2025-05-06 19:44Четвертый раунд непрямых переговоров между Исламской Республикой Иран и Соединенными Штатами состоится в воскресенье в столице Омана, передает Mehr.
-
New2025-05-06 19:41Официальный представитель МИД России Мария Захарова отреагировала на вчерашние обвинения спикера парламента Армении Алена Симоняна в адрес Москвы по поводу якобы ведения гибридной войны и финансирования внутриполитических процессов в республике.