2024-11-19 09:00
Информагентства
ՌԴ ԱԳՆ․ Ռուսաստանի տարածքին հեռահար հրթիռային հարվածների պատասխանը շոշափելի կլինի
Կիևի ռեժիմի կողմից Ռուսաստանի տարածքին հեռահար հրթիռներով հարված հասցնելու դեպքում Ռուսաստանի պատասխանը համարժեք և շոշափելի կլինի։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Կիևի կողմից հեռահար հրթիռների կիրառումը մեր տարածքի վրա կնշանակի ԱՄՆ-ի և նրա կամակատարների անմիջական մասնակցություն Ռուսաստանի դեմ ռազմական գործողություններին, ինչպես նաև հակամարտության էության և բնույթի արմատական փոփոխում։ Այդ դեպքում Ռուսաստանի արձագանքը կլինի համարժեք և շոշափելի»,- նրա խոսքերն են մեջբերում դիվանագիտական գերատեսչության կայքում հրապարակված հաղորդագրության մեջ։
Զախարովան հավելել է, որ դեռևս հայտնի չէ՝ տեղեկատվական «լցոնումները» հիմնված են պաշտոնական աղբյուրների վրա, թե ոչ, բայց մի բան պարզ է, որ Կիևի ռեժիմի պարտությունների ֆոնին նրա արևմտյան հովանավորները խաղադրույք են կատարում Ռուսաստանի դեմ սանձազերծված հիբրիդային պատերազմն առավել սրելու վրա՝ փորձելով հասնել իրենց պատրանքներին, այն է` Մոսկվային ռազմավարական պարտության մատնելուն։
«Սակայն ոչ մի «հրաշք զենք», որի համար «աղոթում են» Զելենսկին և նրա կամակատարները, ի զորու չեն ազդել ռազմական հատուկ գործողությունների ընթացքի վրա», - ասվում է հաղորդագրության մեջ։
Ավելի վաղ New York Times-ը, հղում անելով ամերիկյան վարչակազմի անանուն ներկայացուցիչներին, հայտնել էր, որ ԱՄՆ նախագահ Ջո Բայդենն առաջին անգամ արտոնել է Ուկրաինային ամերիկյան հեռահար հրթիռներ կիրառել ՌԴ տարածքի վրա հարձակվելու համար։
Պուտինը հայտարարել էր, որ ՆԱՏՕ-ի երկրները ոչ միայն քննարկում են Կիևի կողմից արևմտյան հեռահար զենքի հնարավոր կիրառումը, այլ նրանք, ըստ էության, որոշում են՝ ներգրավվել արդյոք անմիջականորեն ուկրաինական հակամարտության մեջ: Արևմտյան երկրների անմիջական մասնակցությունն ուկրաինական հակամարտությանը կփոխի դրա էությունը, Ռուսաստանը ստիպված կլինի որոշումներ կայացնել՝ ելնելով այդպիսով իր համար ստեղծվող սպառնալիքներից։
Sputnik Արմենիա
ПОСЛЕДНИЕ ОТ АВТОРА
-
New2025-05-23 16:30В Армении со своими учебными заведениями прощается 61301 выпускник основных и старших школ.
-
New2025-05-23 16:27В Армении открылась сеть сейсмических станций, приобретенных Национальной академией наук республики при поддержке правительства Китая.
-
New2025-05-23 16:24Министр иностранных дел РФ Сергей Лавров заявил, что подписание мирного договора с Азербайджаном является непременным условием для реализации на практике прорабатываемой сейчас Арменией инициативы «Перекресток мира» в стремлении «встроить свою территорию, свои логистические возможности в общеконтинентальные большие процессы». Об этом сообщает ТАСС.
-
New2025-05-23 16:21Культурная кража режима Алиева против Ирана в Нидерландах: Баку организовал выставку в Гааге и представил иранские ковры, в том числе ковры, сотканные в городах Тебриз и Ардебиль, как 30-летнее наследие страны! Об этом в соцсетях написал иранский политолог Эхсан Мовахедиан.