2024-11-22 13:33
Информагентства
Էդուարդ ՇԱՐՄԱԶԱՆՈՎ․ ԻՆՉԸ ՍՏԻՊԵՑ ՓԱՇԻՆՅԱՆԻՆ ՊԱՇՏՈՆԱՆԿՈՒԹՅՈՒՆՆԵՐՈՎ «ՏԵՍԱՐԱՆՆԵՐ» ԱՆԵԼ
Հայաստանում մի շարք պաշտոնյաների վերջին աղմկահարույց աշխատանքից ազատումները նպատակ ունեին «տեսարանով» ապահովել քաղաքացիներին Բաքվի հետ բանակցություններում ձախողումների ֆոնին, այլ խնդիրներ ՀՀ վարչապետ Նիկոլ Փաշինյանը չունի։ Այս մասին Sputnik Արմենիայի մուլտիմեդիոն կենտրոնում հրավիրված մամուլի ասուլիսի ժամանակ հայտարարեց ՀՀԿ կուսակցության մամուլի քարտուղար, ԳՄ անդամ Էդուարդ Շարմազանովը՝ անդրադառնալով Հայաստանի առջև ծառացած մարտահրավերներին։
Նրա խոսքով՝ վերջին 3-4 տարվա Փաշինյանի վարած քաղաքականության տխրահռչակ «խաղաղության պայմանագիր» կոչված բլեֆը, տապալվել է, չնայած Բաքվին արված զիջումների քանակին։
«Նիկոլ Փաշինյանը հրաժարվեց Անկախության հռչակագրից, որը փաստացի անվանեց Հայաստանի գոյության և պետականության համար սպառնալիք, Տավուշում «դելիմիտացիա և դեմարկացիա» կոչված բլեֆի շրջանակում միակողմանի զիջումների գնաց՝ տարածքներ հանձնելով Ադրբեջանին, ստիպված եղավ ՍԴ-ի միջոցով ընդունել ադրբեջանական նարատիվներ պարունակող փաստաթուղթ։ Այս ամենը չօգնեց, ու դրա փոխարեն նա որոշեց փրկել իմիջը, քանի որ ունի «տեսարանների» կարոտ հասարակություն ու սկսեց ներքաղաքական «ջղային Նիկոլ» օպերացիան»,- ասաց Շարմազանովը։
Նա չբացառեց նաև, որ կադրային փոփոխություններն իրականացվել են արտաքին գործընկերների աջակցությամբ։ Վստահ է՝ իշխանությունները տեղեկատվական օրակարգի առումով մասամբ խնդիրը լուծել են, քանի որ արդեն մի քանի օր է՝ ողջ ազգն այդ պաշտոնանկություններն է քննարկում։
Շարմազանովի խոսքով՝ Նիկոլ Փաշինյանի վարչապետության պարագայում արդեն կապ չունի, թե ով որտեղ է աշխատում, միևնույնն է, բոլոր որոշումներն նա միանձնյա է կայացնում։
Ըստ Շարմազանովի՝ ներքաղաքական պաշտոնանկությունները քարոզչական նպատակ են ունեցել, որպեսզի Փաշինյանը քողարկի իր քաղաքական ֆիասկոն։
Քաղաքական գործիչը վստահեցնում է՝ Ադրբեջանին Հայաստանի հետ խաղաղության պայմանագիր հարկավոր չէ, քանի որ առանց դրա էլ Երևանից ստացել է այն ամենը, ինչ ցանկացել է։
«Մինչ օրս Ադրբեջանը Հայաստանի հետ խաղաղության պայմանագիր կնքե՞լ է, որ Փաշինյանից ինչ ասես ստացել է։ Առանց դրա էլ Ալիևն ու Էրդողանը ստացել են ամբողջ Լեռնային Ղարաբաղը, հայաթափել են ԼՂ ՊԲ-ն, հայաթափել են ամբողջ Արցախը, վերահսկողության տակ են առել Գորիս-Կապան ճանապարհի 21 կմ-ն, Սև լճի 30 տոկոսը, ՀՀ ինքնիշխան տարածքի 240 քկմ, Տավուշի գյուղերը, հրաժարվել են (իշխանություննները-խմբ.) Արարատից՝ որպես մեր ազգային սիմվոլ և այլն։ Այս իշխանությունն իրականացնում է Փաշինյանի ավագ ընկերներ Ալիևի և Էրդողանի երազանքը՝ աշխարհում Հայաստանը ներկայացնել որպես սպառնալիք հարևան երկրների համար»,- նշեց Շարմազանովը։
Նա շեշտեց՝ այդ երկրներին «անատամ» Հայաստան է պետք, որը կլինի առանց բանակի, ազգային դիմագծի ու պատմական ինքնագիտակցության։
ПОСЛЕДНИЕ ОТ АВТОРА
-
New2025-07-14 10:55На площади Республики перед хданием правительства РА начинается акция протеста насильственно перемещенных жителей Арцаха, организованная Советом по защите прав арцахцев.
-
New2025-07-14 10:52Наш первый же митинг подтвердил главный страх власти – народ уверен в своей силе и не отступит под давлением. Хочу снова поблагодарить десятки тысяч моих соотечественников, проявивших гражданскую смелость 4 июля и по сей день. Об этом говорится в заявлении, распространенном бизнесменом Самвелом Карапетяном, находящимся под арестом.
-
New2025-07-14 09:2910 июля в Абу-Даби состоялась пятичасовая беседа лидеров Армении и Азербайджана Никола Пашиняна и Ильхама Алиева. Пожалуй, главным итогом встречи стало заявление Еревана о возможной передаче на аутсорс «Зангезурского коридора». Того узкого пространства, через которое должны быть проложены автомобильная и железная дороги для связи азербайджанской Нахичевани и остального Азербайджана. По факту же на аутсорс передается вся страна. Причем на аутсорс тем, кому процветающая Армения не нужна.
-
2025-07-14 05:5213 июля на Площади Свободы в Ереване продолжилась сидячая забастовка, инициированная Советом по защите прав арцахцев. Основное требование сидячей забастовки – решение экстренных проблем насильственно перемещенных жителей Арцаха.