2024-11-27 13:53
Информагентства
Իսրայելը Լիբանանի հարավի բնակիչներին կոչ է անում խուսափել իրենց տներ վերադառնալուց
Իսրայելցի զինվորականները Լիբանանի հարավային շրջանների բնակիչներին նախազգուշացրել են խուսափել իրենց տներ վերադառնալուց մինչև Իսրայելի պաշտպանության բանակի (ԻՊԲ) հրամանատարության հատուկ ցուցումը: «Արմենպրես»-ի փոխանցմամբ՝ այս մասին X-ում գրել է Իսրայելի բանակի պաշտոնական ներկայացուցիչ Ավիչայ Էդրին հրադադարի ուժի մեջ մտնելու առնչությամբ։
«Ձեզ արգելվում է գնալ այն գյուղերը, որտեղից ավելի վաղ տարհանվել եք ԻՊԲ-ի հրամանով, կամ դեպի տվյալ տարածքում տեղակայված ԻՊԲ-ի ուժերը: Հանուն ձեր և ձեր ընտանիքների անդամների անվտանգության խուսափեք տվյալ շրջաններ տեղափոխվելուց: Մենք ձեզ կհայտնենք, երբ անվտանգ լինի տուն վերադառնալ», - նշված է հայտարարության մեջ:
ԻՊԲ-ի խոսնակը հայտնել է, որ հրադադարի համաձայնագրին համապատասխան՝ Իսրայելի պաշտպանության բանակի զորամասերն առայժմ մնում են իրենց դիրքերում Հարավային Լիբանանի տարածքում։
Հոկտեմբերի 1-ին Լիբանանի հարավային շրջաններում ցամաքային գործողությունների մեկնարկից ի վեր իսրայելցի զինվորականների պահանջով հարյուրավոր գյուղերի բնակիչներ անցել են սահմանից 50 կմ հեռավորության վրա հոսող Ավալի գետի մյուս կողմը։ Լիբանանի իշխանությունների տվյալներով՝ տեղահանված անձանց ընդհանուր թիվը կազմել է 1,2 միլիոն:
Նոյեմբերի 26-ին Իսրայելի ռազմաքաղաքական կաբինետը պաշտոնապես հավանություն է տվել Լիբանանում հրադադարի ծրագրին։ Այնուհետև ԱՄՆ նախագահ Ջո Բայդենը հայտարարել է, որ Իսրայելի և լիբանանյան «Հեզբոլլահ» կազմակերպության միջև համաձայնությունները նախատեսում են Լիբանանի ուժերի վերահսկողության վերականգնում իր տարածքի նկատմամբ 60 օրվա ընթացքում, ինչից հետո իսրայելական բանակն աստիճանաբար դուրս կբերվի Լիբանանի տարածքից, իսկ երկու կողմերի քաղաքացիական անձինք շուտով կկարողանան անվտանգ կերպով վերադառնալ իրենց բնակավայրերը և սկսել վերականգնել դրանք:
ПОСЛЕДНИЕ ОТ АВТОРА
-
New2025-06-16 18:16Предстоятель Ширакской епархии ААЦ Архиепископ Микаэл Аджапахян в беседе с журналистами заверил, что сторонников идей премьер-министра Пашиняна в рядах архиепископов нет.
-
New2025-06-16 18:14США отменили консультации с Россией по нормализации работы посольств двух стран. Об этом 16 июня сообщила официальный представитель МИД РФ Мария Захарова.
-
New2025-06-16 18:11Президент Соединенных Штатов Америки (США) Дональд Трамп скептически относится к втягиванию его страны в борьбу между Ираном и Израилем, поскольку соответствующий шаг может привести к расширению конфликта, сообщает CNN.
-
New2025-06-16 18:10Все образовательные учреждения закрыты до особого распоряжения, заявил в воскресенье представитель Министерства образования Ирана Али Фархади. Все запланированные экзамены будут отложены, новые даты будут объявлены позже.