Последние новости

Ե՞րբ Կապանում կբացվի Ռուսաստանի գլխավոր հյուպատոսությունը. Զախարովայի պատասխանը

Մոսկվան սպասում է Կապանում գլխավոր հյուպատոսի էկզադեկվատուրայի վերաբերյալ հայկական կողմի պատասխանին, այդ ընթացակարգն անհրաժեշտ է դիվանագիտական հաստատություն բացելու համար։ Այսօրվա ճեպազրույցի ժամանակ հայտարարել Է ՌԴ ԱԳՆ ներկայացուցիչՄարիաԶախարովան։

Նա նշել է, որ հայկական կողմն ավելի վաղ սկզբունքային համաձայնություն է տվել ՌԴգլխավոր հյուպատոսության բացմանը, այնուհետև ռուսական կողմը դիմել է էկզադեկվատուրայի համար ( հյուպատոսին այդ կարգավիճակում ճանաչող փաստաթուղթ, որը տրվում է ընդունող երկրի կողմից. խմբ.):

Մոսկվայում սպասում են պատասխանի։

Ինչ վերաբերում է հարցին, թե ինչու հայկական կողմը մինչ օրս համապատասխան նյութեր չի ուղարկել, ապա Զախարովան հորդորեց հարցը հասցեագրել Երևանին:

Արդեն երկու տարի է` քննարկվում է Սյունիքում Ռուսաստանի գլխավոր հյուպատոսություն բացելու հարցը։ՌԴ դիվանագիտական ներկայացուցչության բացման համար պատասխանատու առաջատար խումբը 2023 թվականի սեպտեմբերից գտնվում է Կապանում։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ