Последние новости

Հայաստանից օդային ճանապարհով մեկնող քաղաքացիներն ավելի շատ են, քան Հայաստան ժամանողները

Հայաստանի երկու («Զվարթնոց» և «Շիրակ») օդանավակայաններում 2024 թվականի հունվար-սեպտեմբեր ամիսներին ուղևորահոսքը կազմել է 4 միլիոն 107 հազար 264 մարդ։

«Զվարթնոց» օդանավակայանում ուղևորահոսքը նշված ժամանակահատվածում կազմել է 4 միլիոն 26 հազար 355 մարդ՝ ժամանել է՝ 2 միլիոն 8 հազար 35, մեկնել է 2 միլիոն 18 հազար 320 մարդ։

«Շիրակ» օդանավակայանում այս թիվը կազմել է 80 հազար 909 մարդ՝ ժամանել է 40 հազար 157, մեկնել՝ 40 հազար 752 մարդ։

Ընդհանուր առմամբ, ելնելով երկու օդանավակայանների տվյալներից, Հայաստան է ժամանել է 2 միլիոն 48 հազար 192, մեկնել՝ 2 միլիոն 59 հազար 72 մարդ։

Ստացվում է, որ Հայաստան ժամանածները 10 հազար 880-ով քիչ են եղել, քան Հայաստանից մեկնողները։

Նշենք, որ 2023 թվականի 9 ամիսների ընթացքում օդային ճանապարհով Հայաստանից մեկնել է 2 միլիոն 85 հազար 979, Հայաստան է ժամանել 2 միլիոն 105 հազար 161 մարդ։

Այն ժամանակ ժամանողների հաշվեմնացորդը (սալդոն) կազմել է 19 հազար 182 մարդ։

Ընդ որում, այս տարվա նույն ժամանակահատվածի համար հաշվեմնացորդն արդեն մեկնողների օգտին է։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ