2024-11-28 12:46
Информагентства
Հունգարիայում ՀՀ դեսպանություն կստեղծվի
Հունգարիայում կստեղծվի ՀՀ դեսպանություն, նստավայրը՝ Բուդապեշտ: Համապատասխան որոշումն ընդունվեց ՀՀ կառավարության այսօրվա նիստում։
2022 թ․ դեկտեմբերի 1–ին Լոձում ԵԱՀԿ նախարարական համաժողովի շրջանակում տեղի է ունեցել Հայաստանի և Հունգարիայի արտգործնախարարներ Արարատ Միրզոյանի և Պետեր Սիյարտոյի հանդիպումը, որի ընթացքում պայմանավորվածություն է ձեռք բերվել վերականգնել լիարժեք դիվանագիտական հարաբերությունները:
Որոշման մեջ նշվում է, որ Հայաստանի համար Հունգարիան կարևոր նշանակություն ունի որպես ԵՄ անդամ երկիր։
«2024 թ. մայիսի 6–ին նախարար Սիյարտոյի հրավերով կայացել է Արարատ Միրզոյանի պատասխան այցը Հունգարիա, որի ընթացքում պայմանավորվածություն է ձեռք բերվել մայրաքաղաքներում փոխադարձաբար դեսպանությունների բացման վերաբերյալ»,– ասված է փաստաթղթում:
ՀՀ արտաքին գործերի նախարարությունը նպատակահարմար է գտել Հունգարիայում ՀՀ դեսպանության բացումը, ինչը թույլ կտա ավելի ընդլայնել համագործակցությունը։
Ըստ որոշման` դեսպանության ստեղծումը 2024 և 2025 թթ. պետական բյուջեներում հավելյալ ծախսեր չի առաջացնի, և Հունգարիայում ՀՀ դեսպանության ստեղծման և պահպանման բոլոր ծախսերը կիրականացվեն ՀՀ ԱԳՆ բյուջետային ծախսերի տնտեսումների հաշվին:
Հիշեցնենք, որ 2023 թ. մայիսին Երևանի և Բուդապեշտի միջև վերականգնվեցին դիվանագիտական շփումները, որոնք սառեցվել էին 2012 թ., երբ հունգարական կողմը Բաքվին էր արտահանձնել հայ սպա Գուրգեն Մարգարյանի սպանության համար մեղադրվող Ռամիլ Սաֆարովին։
Sputnik Արմենիա
ПОСЛЕДНИЕ ОТ АВТОРА
-
New2025-06-18 10:50Скульптура французского мастера Огюста Родена, которая исчезла из поля зрения публики почти на 120 лет и считалась копией, была продана на аукционе за 860 000 евро (984 000 долларов), сообщает CNN.
-
New2025-06-18 10:49Конфликт Ирана и Израиля ведет не просто к эскалации, а к угрозе региону и миру, поскольку удары наносятся по ядерным объектам, и ядерная угроза имеет здесь практическое измерение, заявила официальный представитель МИД РФ Мария Захарова.
-
New2025-06-18 10:47По информации Новости Армении- NEWS.am, недавно из полицейского участка вышли Карен Карапетян и его сын Нарек Карапетян.
-
New2025-06-18 10:45Глава Службы национальной безопасности Армен Абазян освобожден от занимаемой должности. Соответствующее распоряжение подписал премьер Никол Пашинян.