Последние новости

Շոյգու․ ՌԴ միջուկային «հովանոցը» ուղղված է ՀԱՊԿ երկրների պաշտպանությանը

Ռուսաստանի միջուկային «հովանոցը», համաձայն նոր միջուկային դոկտրինի, տարածվում է առաջին հերթին ՀԱՊԿ երկրների վրա։ Այս մասին հայտնել է ՌԴ Անվտանգության խորհրդի քարտուղար Սերգեյ Շոյգուն, տեղեկացրել է «Ինտերֆաքսը»։

«Նախ, ցանկանում եմ ասել, որ հին դոկտրինում էլ նախատեսված էր այդ հովանոցը, ինչպես դուք եք ասում, այդ թվում և մեր դաշնակիցների համար։ Դա պարզ էր, հստակ նշված էր։ Իսկ ինչ վերաբերում է նոր դոկտրինին, բնականաբար, այստեղ խոսքն առաջին հերթին ՀԱՊԿ երկրների մասին է։ Կա որոշակի լրացում, բավական կարևոր, ըստ իս, այն վերաբերում է Բելառուսին»,- նշել է նա։

Շոյգուի խոսքով՝ այժմ դոկտրինում ներառված են նաև միջուկային զենքի կիրառման չափորոշիչները, երբ Բելառուսի դեմ իրականացվի ագրեսիա սովորական սպառազինություններով, և երբ առաջանա հանրապետության գոյության սպառնալիք։

ՌԴ նախագահ Վլադիմիր Պուտինը նոյեմբերի 19-ին ստորագրել է հրամանագիր Ռուսաստանի պետական քաղաքականության թարմացված հիմքերի հաստատման մասին միջուկային զսպման ոլորտում։

Հիշեցնենք, որ ՀԱՊԿ-ի մեջ է մտնում նաև Հայաստանը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ