2024-12-02 13:29
Информагентства
Գեղամ Նազարյանը խոսեց Ռոբերտ Քոչարյանի հետ հանդիպման ու Նիկոլ Փաշինյանին ներելու մասին
Արդեն անկախ պատգամավոր Գեղամ Նազարյանի խոսքով՝ արդեն տևական ժամանակ է՝ իր դեմ պայքար են տանում։ ԱԺ-ում լրագրողների հետ ճեպազրույցում Նազարյանը չցանկացավ մանրամասնել, թե ովքեր էին իր դեմ պայքարողները։
Նոյեմբերի 30–ին հայտնի դարձավ, որ Գեղամ Նազարյանին առաջարկվել է դուրս գալ «Հայաստան» խմբակցությունից, նա համաձայնել է։
Ըստ Գեղամ Նազարյանի` 2022 թվականից սոցիալական ցանցերում իր մասին կեղծ տեղեկություններ էին սկսել տարածել։ Թե ինչն է այդ ամենի պատճառը, Նազարյանն ինքն էլ չգիտի, ասում է՝ մտածում է դրա շուրջ։ Ինչ վերաբերում է վարչապետ Նիկոլ Փաշինյանի վերաբերյալ իր վերջին հայտարարություններից մեկին, թե ներել է նրան, Նազարյանը նշեց՝ ներել, չի նշանակում հասկանալ։
«Այն, որ ես ասում եմ՝ Նիկոլին ներել եմ, չի նշանակում, թե ես հասկացել եմ, որ Նիկոլը ճիշտ էր կամ Նիկոլի գործողությունները ես հասկացել եմ, որ օրինաչափ էին, կամ Նիկոլը չպետք է պատասխան տա այն որոշումների համար, որը հանգեցրեց ծանր կորուստների, ողբերգության, արհավիրքի»,- ասաց Նազարյանը՝ հավելելով, որ ներելը քրիստոնեական քայլ է։
Նազարյանը չի կարծում, որ ՀՀ վարչապետ Նիկոլ Փաշինյանը պատերազմի միակ մեղավորն է, ասաց` մի օր այդ մասին կխոսի։
Խոսելով «Հայաստան» խմբակցությունից իր հեռացման մասին՝ Նազարյանը նշեց՝ շնորհակալ է ՀՀ երկրորդ նախագահ Ռոբերտ Քոչարյանին, որ իրեն ընդգրկեց նախընտրական ցուցակում, ինչի շնորհիվ էլ ինքը հնարավորություն ստացավ խորհրդարան մտնելու։
«Դա հնարավորություն տվեց և՛ շատ հարցեր ուսումնասիրել, և՛ շատ խնդիրներ փորձել լուծել և լուծել։ Եվ ես իրեն շնորհակալ եմ, որ մեր զրույցը շատ բարձր մակարդակի եղավ, որ մենք իրար ձեռք սեղմեցինք ոչ թե որպես հրաժեշտի նշան, այլ որ ընկերներ ենք և այդպես կշարժվենք առաջ»,- ասաց նա։
Հիշեցնենք` ԶԼՄ–ներն ավելի վաղ գրել էին, որ չի բացառվում` «Հայաստան» խմբակցությունը դիմի Գեղամ Նազարյանին մանդատը վայր դնելու հարցով, քանի որ երկար ժամանակ է՝ նա ակտիվ շփումների մեջ է իշխանականների հետ, վերջերս էլ Վիետնամ է մեկնել և ՀՀ ԱԺ նախագահ Ալեն Սիմոնյանի հետ լուսանկարվել նավի վրա: Ըստ ԶԼՄ–ների` Վիետնամ այցելելուց հետո նա հայտարարել է, թե Նիկոլ Փաշինյանի հեռացման հարց օրակարգում չկա։
Ավելի ուշ «Հայաստան» խմբակցության պատգամավոր Ագնեսա Խամոյանը Sputnik Արմենիայի հետ զրույցում հայտնել էր, որ Գեղամ Նազարյանի վերջին հայտարարությունը, թե Նիկոլ Փաշինյանին հեռացնելու օրակարգ չկա, իր անձնական ընկալումներն են, որոնք չեն արտահայտում «Հայաստան» խմբակցության տեսակետը։ Խամոյանը ևս մեկ անգամ հիշեցրել էր, որ «Հայաստան» խմբակցության թիվ մեկ օրակարգը ինչպես եղել, այնպես էլ մնում է այս իշխանություններին հեռացնելը։
ՀՀ երկրորդ նախագահ Ռոբերտ Քոչարյանը նոյեմբերի 28-ին լրագրողների հետ զրույցում ասել էր, որ Նազարյանի հարցն առաջիկայում քննարկման առարկա կդառնա «Հայաստան» դաշինքում։
Sputnik Արմենիա
ПОСЛЕДНИЕ ОТ АВТОРА
-
New2025-03-17 11:29На фоне завершения переговоров по «мирному» соглашению между Арменией и Азербайджаном вчерашняя дезинформационная кампания Баку определенно шокировала общественность. Об этом написал на своей странице в Facebook оппозиционный депутат, член Республиканской партии Армении Тигран Абрамян.
-
New2025-03-17 11:07Всемирно известный армянский бизнесмен Нубар Афеян заявил, что реальныймир между Арменией и Азербайджаном невозможен без торжества справедливости, в частности, без освобождения всех армянских пленных, включая его друга Рубена Варданяна.
-
New2025-03-17 11:05«Это ДЕЙСТВИТЕЛЬНО ВАЖНОЕ событие! Советник президента США по национальной безопасности Майк Уолтц не только подчеркнул приверженность президента миру на Кавказе и необходимость подписания мирного договора, но и также то, что армянские, христианские политические заключенные в Азербайджане, включая моего клиента Рубена Варданяна, также должны быть освобождены»,- написал международный адвокат Рубена Варданяна Джаред Генсер в X.
-
New2025-03-17 08:11США будут продолжать атаковать йеменских хуситов до тех пор, пока они не прекратят нападения на суда, заявил в воскресенье глава Пентагона Пит Хегсет.