2024-12-02 13:58
Информагентства
Արթուր ԽԱՉԱՏՐՅԱՆ․ ՓԱՇԻՆՅԱՆՆ ՈՒԶՈՒՄ Է ՑՈՒՅՑ ՏԱԼ, ՈՐ ՄԵՐ ԵՐԿՐՈՒՄ ՄԻԱԿ ԱՍՈՂՆ ԻՆՔՆ Է (ՏԵՍԱՆՅՈՒԹ)
Մենք բազմիցս ասել ենք, որ պատրաստվում ենք դատի տալ ԱԳՆ-ին և նաև հայտարարել էինք, որ արդեն դատի ենք տվել, մեկ անգամ դատարանը հայցը վերադարձրել էր, երկրորդ անգամ որոշակի փոփոխությամբ ընդունել է վարույթ. լրագրողների հետ զրույցում հայտարարեց «Հայաստան» խմբակցության պատգամավոր Արթուր Խաչատրյանը։
Հիշեցնենք՝ այսօր պատգամավոր Քրիստինա Վարդանյանը գրել էր, որ Աննա Գրիգորյանի, Գեղամ Մանուկյանի և Արթուր Խաչատրյանի հետ համատեղ դատական հայց են ներկայացրել ընդդեմ կառավարության և ԱԳՆ-ի՝ պահանջելով ոչ իրավաչափ համարել ՀՀ արտգործնախարարի 2024 թ. մարտի 14-ի գրությունը, որով նրանց արգելվել էր ծանոթանալ Ադրբեջանի հետ քննարկվող պայմանագրի փոխանակվող նախագծերին։
«Այն պահից, երբ ադրբեջանական մամուլը, ադրբեջանական քաղաքական գործիչները սկսեցին կաղկանձել, որ «ռեֆանշիստները», այսինքն՝ մենք (ընդդիմադիր պատգամավորները) հասանելիություն ունենք գաղտնի փաստաթղթերին, դրանից մի քանի օր հետո Նիկոլ Փաշինյանն ԱԺ ամբիոնից հայտարարեց, որ արգելելու է, որպեսզի այդ փաստաթղթերին ծանոթանանք։
Հիմնավորումը զավեշտ էր՝ իբրև թե մի բան կարդացել ենք, ուրիշ բան ներկայացրել։ Եթե այս իշխանությունները նման մեղադրանք են ներկայացնում, դա կարելի է վճռել միայն մեկ ձևով, դե թող ներկայացնեն այն, որը, ըստ իրենց, մենք սխալ ենք ներկայացրել։ Մենք գործել ենք օրենքի շրջանակներում, այլապես հիմա ես առնվազն քրեական հետապնդման ենթարկվելիս կլինեի։ Ոչ մի բան չենք խախտել, որևէ արտահոսք չենք արել, տվել ենք քաղաքական գնահատական առ այն, որ շրջանառվող փաստաթուղթը, որը կնքվել է ՀՀ-ի և Ադրբեջանի ԱԳ նախարարների միջև, կապիտուլյացիայի պայմանագիր է, որը միտված է Հայաստանի ստրկացմանը, ազատությունից զրկմանը»,-ասաց պատգամավորը։
Խաչատրյանի պնդմամբ՝ Նիկոլ Փաշինյանը դրանով ուզում է ցույց տալ, որ մեր երկրում միակ ասողն ինքն է.«Այդպիսով ժողովրդի ականջին «արիշտա» են կախում՝ ասելով, թե իրենք գնում են խաղաղության, սակայն ընդդիմադիրներն ասում են, որ խաղաղություն չկա, սա միակողմանի զիջում է։ Այս ամենը դրդեց նրանց, որպեսզի խախտեն պատգամավորի երաշխիքների մասին օրենքը և որոշեն սահմանափակել մեր և ժողովրդի սահմանադրական իրավունքները՝ տեղեկանալու, թե ինչ փաստաթղթեր են ստորագրում Փաշինյանն ու Ալիևը»։
ПОСЛЕДНИЕ ОТ АВТОРА
-
New2025-06-26 15:19Глава об электронной торговле в Таможенном кодексе Евразийского экономического союза (ЕАЭС) заработает к осени текущего года. Об этом сообщил журналистам министр по таможенному сотрудничеству Евразийской экономической комиссии (ЕЭК) Руслан Давыдов в кулуарах Евразийского экономического форума.
-
New2025-06-26 15:13Уголовное преследование бизнесмена Самвела Карапетяна и заявления властей Армении о возможной национализации принадлежащих ему активов подрывают доверие армянской диаспоры и создают неблагоприятную среду для инвестиций, заявил РИА Новости бывший министр юстиции Армении, член Верховного духовного совета Армянской апостольской церкви Геворг Даниелян.
-
New2025-06-26 15:08Правительство Армении на заседании в четверг продлило ограничения на ввоз цемента еще на шесть месяцев.
-
New2025-06-26 15:06Министр экономики Армении Геворк Папоян не считает рейдерским захватом частного бизнеса огосударствление "Электрических сетей Армении", принадлежащих арестованному владельцу ГК "Ташир" Самвелу Карапетяну. На брифинге после заседания кабмина чиновник заявил, что вся процедура передачи в собственность государства будет происходить в соответствии с законодательством страны.