2024-12-03 18:21
Информагентства
Թաթոյանը՝ քաղաքապետարանի անօրինական գործողությունների մասին
ՀՀ մարդու իրավունքների նախկին պաշտպան, Իրավունքի և արդարության կենտրոն «Թաթոյան» հիմնադրամի ղեկավար Արման Թաթոյանը անօրինական է համարում Երևանի քաղաքապետարանի գործողությունները գործադուլ անող ավտոբուսների վարորդների նկատմամբ։
«Բացարձակ դատապարտելի են Երևանի քաղաքապետարանի բացահայտ անօրինական արարքները իրենց աշխատանքային իրավունքների, այդ թվում` աշխատավարձի բարձրացման համար գործադուլ անող ավտոբուսների վարորդների նկատմամբ:
Բավական չէ մարդկանց ահաբեկում են, նրանց հետ բացահայտ խոսում շանտաժի լեզվով, ապօրինի ազատում են աշխատանքից, մի հատ էլ հանցագործության մասին հաղորդում են ներկայացնում:
Իրեն «ժողովրդավարության բաստիոն» հռչակած իշխանությունը ավտոբուսի վարորդին գործադուլի սահմանադրական իրավունքի համար ոչ միայն սպառնում է, այլ դրա համար պաշտոնապես դիմում է քրեական հետապնդման մարմնին», – գրել է Թաթոյանը Facebook–յան իր էջում։
Վարորդների գործադուլի մասին
Այսօր առավոտից Երևանի ավտոբուսի վարորդները գործադուլ են կազմակերպել՝ դժգոհելով քաղաքապետարանի վարած քաղաքականությունից։ Մասնակիցներից մեկը հայտարարեց, որ քաղաքային իշխանությունների՝ հասարակական տրանսպորտի ուղեվարձը բարձրացնելու ծրագրերը ձախողվել են, դա միայն հանգեցրել է կոռուպցիայի աճին, իսկ Երևանի հասարակական տրանսպորտի վիճակը կարելի է որակել որպես ողբալի։
«Մեր նյարդերը սրվել են, մենք մարդկանց տեղափոխում ենք և պատասխանատու ենք նրանց առողջության համար։ Մեզնից պահանջում են (քաղաքապետարանում - խմբ.), որ քաղաքացիներին թույլ չտանք մտնել ավտոբուս, եթե չունեն 100 դրամանոց մետաղադրամ կամ QR կոդ»,- նշեց նա։
Ըստ նրա՝ քաղաքային իշխանությունները աշխատավարձերի վերանայման վերաբերյալ իրենց խոստումը չեն պահել։ «Մեզ խոստացել էին աշխատավարձի բարձրացում, կոնկրետ Ավինյանն ասաց, որ երբ անցնենք քարտային համակարգին, ձեր աշխատավարձը կավելանա, ասաց՝ 150 հազար դրամով կբարձրանա, մենք պայմանավորվեցինք, մեկ ամիս է անցել, բայց ոչինչ չի փոխվել»,- ասաց ակցիայի մասնակիցներից մեկը։
Երևանի փոխքաղաքապետ Սուրեն Գրիգորյանն իր հերթին հայտնել է, որ ոչ մի բանակցություն վարորդներ հետ չի ընթանում։
«Վարորդներին զոռով չենք պահելու, ոչ մեկին բռնի ուժով չենք ստիպում աշխատել», – ասել է Գրիգորյանը։
Նա նաև տեղեկացրել է, որ հանցագործության մասին համապատասխան հաղորդում է ներկայացրել Գլխավոր դատախազություն, որպեսզի պարզվի՝ արդյոք գործ ունենք պարզապես աշխատանքային պարտականությունների չկատարման հետ, թե առանձին անձանց մասով գործ ունենք մի երևույթի հետ, որ իրենց հակաօրինական վարքագիծը հատել է ոչ միայն աշխատանքային օրենսդրությամբ իրենց պարտականությունների սահմանը, այլև քրեական օրենսդրության սահմանը։
Նովոստի-Արմենիա
ПОСЛЕДНИЕ ОТ АВТОРА
-
New2025-03-17 11:29На фоне завершения переговоров по «мирному» соглашению между Арменией и Азербайджаном вчерашняя дезинформационная кампания Баку определенно шокировала общественность. Об этом написал на своей странице в Facebook оппозиционный депутат, член Республиканской партии Армении Тигран Абрамян.
-
New2025-03-17 11:07Всемирно известный армянский бизнесмен Нубар Афеян заявил, что реальныймир между Арменией и Азербайджаном невозможен без торжества справедливости, в частности, без освобождения всех армянских пленных, включая его друга Рубена Варданяна.
-
New2025-03-17 11:05«Это ДЕЙСТВИТЕЛЬНО ВАЖНОЕ событие! Советник президента США по национальной безопасности Майк Уолтц не только подчеркнул приверженность президента миру на Кавказе и необходимость подписания мирного договора, но и также то, что армянские, христианские политические заключенные в Азербайджане, включая моего клиента Рубена Варданяна, также должны быть освобождены»,- написал международный адвокат Рубена Варданяна Джаред Генсер в X.
-
New2025-03-17 08:11США будут продолжать атаковать йеменских хуситов до тех пор, пока они не прекратят нападения на суда, заявил в воскресенье глава Пентагона Пит Хегсет.