2024-12-03 18:10
Информагентства
ՀՀ ՏԿԵ նախարարությունը և ԿԶԵՀ-ը սկսում են մայիսյան ջրհեղեղից վնասված կամուրջների վիճակի գնահատում
Հայաստանի Հանրապետության տարածքային կառավարման և ենթակառուցվածքների նախարարությունը և Կայունացման և զարգացման եվրասիական հիմնադրամը (ԿԶԵՀ) սկսում են մայիսյան ջրհեղեղից վնասված կամուրջների վիճակի գնահատում։
«Արմենպրես»-ի փոխանցմամբ՝ այս մասին նշված է ՀՀ ՏԿԵ նախարարության տարածած հաղորդագրության մեջ։
«Տրանսպորտային հաղորդակցությունն ապահովելու նպատակով՝ ՀՀ տարածքային կառավարման և ենթակառուցվածքների նախարարությունն ու Կայունացման և զարգացման Եվրասիական հիմնադրամը կգնահատեն Լոռու և Տավուշի մարզերում 2024 թվականի մայիսին հեղեղումների գոտում գտնվող 8 կամուրջների տեխնիկական վիճակը։
ԿԶԵՀ-ը կիրականացնի անհրաժեշտ հետազոտություններ, ներառյալ՝ նյութերի և միացումների ամրության գնահատում, ամրանների և մետաղների կոռոզիայի աստիճանի որոշում, երկար կամուրջների վիճակագրական և դինամիկ փորձարկումներ: Բացի այդ՝ կգնահատվի վերանորոգման և շինարարական աշխատանքներ իրականացնելու անհրաժեշտությունը և կմշակվեն օբյեկտների հետագա մոնիթորինգի առաջարկներ: Լուծումներ կառաջարկվեն նաև տրանսպորտային ենթակառուցվածքները ջրհեղեղների բացասական ազդեցությունից պաշտպանելու համար»,- ասված է հաղորդագրության մեջ։
Բոլոր աշխատանքները նախատեսվում են ավարտել մինչև այս տարվա վերջ։ Ստացված տվյալները և մասնագիտական կարծիքը հիմնադրամն անվճար հիմունքներով կփոխանցի Հայաստանի Հանրապետության տարածքային կառավարման և ենթակառուցվածքների նախարարությանը։
Մայիսյան ջրհեղեղների ավերիչ հետևանքները հաղթահարելու համար աշխատանքները Կայունացման և զարգացման Եվրասիական հիմնադրամն իրականացնում է ՄԱԿ-ի Զարգացման ծրագրի (ՄԱԶԾ)-ի հետ համագործակցությամբ։
Նախարարությունը և հիմնադրամը համատեղ մշակել են 8 կամուրջների ստուգման տեխնիկական բնութագրեր։ Ստացված տեղեկատվության հիման վրա որոշում կկայացվի նշված տեղամասերում աշխատանքներ իրականացնելու մասին։
ԿԶԵՀ-ը Հայաստանում ունի ճանապարհային ծրագրերի իրականացման հաջողված փորձ, որի ֆինանսավորման ծավալը հիմնադրամի ներդրումային վարկային միջոցներից հասնում է 350 մլն դրամի։
ПОСЛЕДНИЕ ОТ АВТОРА
-
New2025-03-15 10:30Специальный посланник президента США Дональда Трампа Стив Уиткофф приземлился в пятницу утром в столице Азербайджана после ночного визита в Москву, что, по всей видимости, является хорошо скоординированным дипломатическим шагом между Израилем, США и Азербайджаном. Об этом пишет израильское издание The Jerusalem Post.
-
New2025-03-15 10:07Армения подвергается ползучей капитуляции, которая не завершится даже при подписании некой бумаги с Азербайджаном. Об этом в беседе с корреспондентом Новости Армении – NEWS.am заявил политолог Степан Даниелян.
-
New2025-03-15 09:56Член исполнительного органа РПА Артак Закарян написал:
-
New2025-03-15 06:55Законопроект о системе штрафов в отношении пассажиров, которые пользуются общественным транспортом без оплаты билета или с чужим льготным билетом, разработан в Армении.