2024-12-06 10:54
Информагентства
ՌԴ-ն պատրաստ է նոր «մեսիջներ» ուղարկել Արևմուտքին. Լավրովը` «Օրեշնիկի» փորձարկման մասին
ՌԴ–ն պատրաստ է լրացուցիչ «մեսիջներ» ուղարկել Արևմուտքին, եթե այնտեղ անհրաժեշտ եզրակացություններ չանեն «Օրեշնիկի» գործարկումից հետո։ Այս մասին հայտարարել է ՌԴ արտգործնախարար Սերգեյ Լավրովը լրագրող Թաքեր Կառլսոնին տված հարցազրույցում։
Ինչպես նշել է ՌԴ նախարարը, «Օրեշնիկի» արձակման ուղերձն այն էր, որ ԱՄՆ-ն և նրա դաշնակիցները, որոնք հեռահար զենք են մատակարարում Ուկրաինային, պետք է հասկանան, որ Մոսկվան պատրաստ կլինի օգտագործել ցանկացած միջոց, որպեսզի թույլ չտա, որ Արևմուտքը հաջողության հասնի ՌԴ–ին «ռազմավարական պարտություն» հասցնելու հարցում:
«Ուղերձը, որը ուզում էինք հասցնել՝ փորձարկելով այդ գերձայնային համակարգը իրական պայմաններում, այն է, որ մենք պատրաստ կլինենք անել ամեն ինչ՝ պաշտպանելու մեր օրինական շահերը», - ասել է Լավրովը։
Նախարարի խոսքով՝ ՌԴ–ն կցանկանար խուսափել թյուրըմբռնումից, բայց քանի որ Լոնդոնում և Բրյուսելում որոշ անհատներ կարծես թե այնքան էլ ճիշտ չեն գնահատում իրավիճակը, ՌԴ–ն պատրաստ է լրացուցիչ «մեսիջներ» ուղարկել, եթե նրանք անհրաժեշտ եզրակացություններ չանեն։
Միևնույն ժամանակ, ինչպես նշել է ՌԴ նախարարը, անհանգստության տեղիք են տալիս ԱՄՆ-ի սպառնալիքները սահմանափակ միջուկային հարվածների հնարավորության վերաբերյալ։
Նրա խոսքով՝ միջուկային հարվածների սահմանափակ փոխանակման մասին զրույցները «աղետի հրավեր» են, ինչը ՌԴ–ն չի ուզում։
Լավրովը նշել է` Ռուսաստանը տեղյակ է, որ Պենտագոնում և այլ կազմակերպություններում, այդ թվում՝ ՆԱՏՕ-ում, որոշ պաշտոնական այրեր սկսել են խոսել այն մասին, որ դաշինքը պաշտպանական է, բայց երբեմն կարելի է առաջինը հարվածել, քանի որ լավագույն պաշտպանությունը հարձակումն է։
Ռուսաստանի նախագահ Վլադիմիր Պուտինն ավելի վաղ հանդես էր եկել ուղերձով, որում հայտարարել էր, որ Ուկրաինան նոյեմբերի 19-ին հարվածներ է հասցրել Կուրսկի և Բրյանսկի մարզերի օբյեկտներին՝ կիրառելով ամերիկյան ATACMS և բրիտանական Storm Shadow հեռահար հրթիռներ: Ի պատասխան ամերիկյան և բրիտանական զենքի կիրառման՝ նոյեմբերի 21-ին Ռուսաստանը համակցված հարված հասցրեց Ուկրաինայի ռազմարդյունաբերական համալիրի օբյեկտին. Դնեպրոպետրովսկում խոցվեց խոշոր արդյունաբերական համալիր, որն արտադրում է հրթիռային տեխնիկա և սպառազինություն:
Մարտական պայմաններում իրականացվել է միջին հեռահարության ռուսական նորագույն հրթիռային համակարգերից մեկի ՝ «Օրեշնիկի» փորձարկումը, այս դեպքում բալիստիկ հրթիռով ՝ առանց միջուկային հիպերձայնային սարքավորումների։
Sputnik Արմենիա
ПОСЛЕДНИЕ ОТ АВТОРА
-
New2025-06-21 12:02Тюрколог Варужан Гегамян в своей публикации прокомментировал встречу премьер-министра Армении Никола Пашиняна и президента Турции Реджепа Тайипа Эрдогана, которая состоялась накануне в Стамбуле.
-
New2025-06-21 12:01Брат генерального прокурора Армении Анны Вардапетян, Тигран Вардапетян, который был заместителем главы ереванского административного раойна Норк-Мараш и был отстранен с должности в прошлом месяце по собственному желанию, устроился на работу в компании «Электрические сети Армении», которая принадлежит Самвелу Карапетяну и которую Никол Пашинян решил национализировать. Об этом пишет газета «Грапарак», развивая тему.
-
New2025-06-21 11:57Министр иностранных дел Ирана Аббас Арагчи отправился в Стамбул для участия в заседании Организации исламского сотрудничества (ОИС). Об этом сообщает Mehr.
-
New2025-06-21 11:55Миллиардер и благотворитель, президент "Ташир Груп" Самвел Карапетян Самвел Карапетян выступил с заявлением через свою адвокатскую группу.