Սուրովցև․ Ռուսական բուհերում անվճար ուսուցմամբ տեղերերը ՀՀ-ի համար էապես կավելացվեն

2023թ. Հայաստանին հատկացվել էր ռուսական բուհերում անվճար ուսուցման 250 քվոտա, եկող տարի այդ թիվն էապես կավելանա։

Այս մասին «Հայաստանը և Ռուսաստանը գլոբալ և տարածաշրջանային վերափոխման պայմաններում. դասերը և ռազմավարական ընտրությունը» թեմայով կոնֆերանսում ասել է բուհի պրոռեկտոր Ստանիսլավ Սուրովցևը։

Նա տեղեկացրել է, որ ռուսական համալսարաններում 2023թ. սովորել է ավելի քան 5 000 հայ ուսանող։

Նա ավելացրել է, որ ՄԳԻՄՕ-ում այժմ սովորում է 37 ուսանող Հայաստանից՝ նշելով, որ սկսած 1990-ականների կեսերից՝ համալսարանն ավարտել է ավելի քան 200 հայ ուսանող։

Նրա գնահատմամբ՝ Ռուսաստանի և Հայաստանի կապերի ամրապնդման համար քաղաքական և տնտեսական գործոններն, իհարկե, կարևոր են, բայց արդյունավետ, բարեկամական և գործնական հարաբերությունների հիմքում ընկած է վստահությունը։

«Ուստի վստահության հարցը կրիտիկական նշանակություն ունի, և հենց հումանիտար կապերն են կոչված մարդկանց մակարդակով կապեր ձևավորել մշակույթի, կրթության և գիտության ոլորտներում։ Վստահությունն իր հերթին ծառայում է որպես ռեսուրս երկարաժամկետ նախագծերի և ռազմավարական համագործակցության համար։ Այս առնչությամբ կարևոր է, որ Հայաստանում պահպանվում է հետաքրրքվածությունը ռուսերենով բարձրագույն կրթություն ստանալու հարցում, այդ թվում ռուսական բյուջեի հաշվին»,- ասել է Սուրովցևը։

News.am