Последние новости

ՄԱԿ․ Շատ երկրներ ձախողում են իրենց պարտավորությունների կատարումը ցեղասպանության կանխման մասով

Այսօր այս ֆորումը խիստ կարևոր է, երբ աշխարհի մի շարք տարածաշրջաններում կատարվում են հանցագործություններ՝ ընդհուպ մինչև ցեղասպանություն։ Այս մասին նշվել է ՄԱԿ մարդու իրավունքների գերագույն հանձնակատար Ֆոլքեր Թյուրքի ուղերձում «Ցեղասպանության հանցագործության դեմ» 5-րդ գլոբալ ֆորումի մասնակիցներին, որն անցկացվում է Երևանում։

«Ողջունում եմ ցեղասպանության կանխման մասին ֆորումի գաղափարը։ Ցեղասպանության կանխման ամենագլխավոր միջոցն այն է, որպեսզի բոլոր հակամարտող կողմերը հարգանք ցուցաբերեն մարդու իրավունքների հանդեպ, քանի որ այդ ծանր հանցագործություններին նախորդում է համակարգային խտրականությունը և ատելության հրահրումը ռասայական, կրոնական կամ այլ նշաններով։

Պետություններն ունեն առաջնային պարտավորություն՝ կանխել նման խախտումները։ Սակայն այսօր շատ երկրներ ձախողում են իրենց պարտավորությունների կատարումը։ Ես կոչ եմ անում բոլոր պետություններին հետևել պատերազմների վարման նորմերին և համագործակցել միջազգային կազմակերպություների հետ՝ հանցագործությունների հետաքննության և մեղավորներին պատասխանատվության ենթարկելու նպատակով։ Դա ենթադրում է հետևողական աջակցություն միջազգային մեխանիզմներին, Միջազգային քրեական դատարանի որոշումների հարգում և կատարում»,- նշել է Թյուրքը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ