2024-12-12 19:37
Информагентства
Ի՞նչ արժեք ունի ձեր կցկտուր, կիսավախեցած խոսացածը. Քոչարյանը` Միրզոյանի ելույթի մասին
ՀՀ ԱԺ «Հայաստան» խմբակցության պատգամավոր Լևոն Քոչարյանը ՀՀ ԱԳ նախարար Արարատ Միրզոյանի այսօրվա ելույթը համարում է անիմաստ, անվանելով այն կցկտուր ու կիսավախեցած։ Այս մասին նա գրել է իր ֆեյսբուքյան էջում։
Ավելի վաղ հայտնել էինք, որ Երևանում անցկացվում է «Ընդդեմ ցեղասպանության հանցագործության» համաժողովը, որի ժամանակ ՀՀ արտգործնախարարը իր ելույթում ասել է, որ մեր տարածաշրջանում ցեղասպանության ականատեսը եղանք ոչ միայն շուրջ 110 տարի առաջ` Հայոց ցեղասպանության պարագայում, այլև բառացիորեն անցյալ տարի (նկատի ունենալով Ադրբեջանի հարձակումը Արցախի Հանրապետության վրա)։
Լևոն Քոչարյանի կարծիքով՝ այսօրվա ելույթը արժեք չունի, եթե թեմայի մասին չի բարձրաձայնվում նաև միջազգային հարթակներում։
«Մեր արտաքին գերատեսչությունը պետք է օր ու գիշեր խոսեր այս ամենից, բոլոր առիթները մաքսիմալ օգտագործեր: Սա անելն առավել կարևոր է տարածաշրջանում իրական և հարատև խաղաղության հասնելու համար: Եթե ՄԱԿ, ԵԱՀԿ և մյուս միջազգային հարթակներում չեք խոսում այս ամենից, ի՞նչ արժեք ունի սրա մասին Երևանում անցկացվող միջոցառմանը ձեր կցկտուր, կիսավախեցած խոսացածը»,– գրել է նա։
Քոչարյանը հիշեցրել է վերջին դեպքը Մալթայում ԵԱՀԿ ԱԳ նախարարների խորհրդի նիստի ժամանակ, երբ Արարատ Միրզոյանը իր ելույթում ոչ մի հիշատակում չի արել նախորդ տարի Ադրբեջանի իրականացրած ցեղասպանությունից, էթնիկ զտումից, արցախցիների հետ վերադարձի արդարացի պահանջից, Ադրբեջանում պահվող մեր հայրենակիցների, Հայաստանի առջև դրվող ոչ արդարացի պահանջների մասին:
Sputnik Արմենիա
ПОСЛЕДНИЕ ОТ АВТОРА
-
New2025-05-15 19:51Итальянские специалисты приступили к реставрации мозаики бань дохристианского храма Гарни – единственного сохранившегося в Армении греко-римского колонного храма. Об этом сообщает итальянское агентство ANSA.
-
New2025-05-15 19:48Президент Азербайджана Ильхам Алиев 15 мая по приглашению премьер-министра Республики Албания Эди Рамы и президента Совета Европейского союза Антонио Кошты отбыл с рабочим визитом в Тирану для участия в 6-м саммите «Европейского политического сообщества», передают азербайджанские СМИ.
-
New2025-05-15 19:43Губернатор Калифорнии Гэвин Ньюсом назначил Армена Тамзаряна помощником судьи Апелляционного суда штата, а Мелиссу Балоян – судьёй Верховного суда округа Фресно. Об этом сообщает Армянская ассоциация юристов.
-
New2025-05-15 19:37Индия и Пакистан договорились продлить режим прекращения огня до 18 мая. Об этом, как передает РИА Новости, заявил первый вице-премьер, глава МИД Пакистана Исхак Дар.