2024-12-16 15:30
Информагентства
Միշուստին․ Պետք է առաջ մղել ԱՊՀ և ԵԱՏՄ երկրների հետ հետագա փոխգործակցությունը
ԱՊՀ-ն և ԵԱՏՄ-ն ապացուցել են իրենց արդյունավետությունն ու պահանջվածությունը, Ռուսաստանը կարևորում է մերձավոր հարևանների հետ գործնական փոխգործակցության առաջմղումը։ Փոխվարչապետների հետ խորհրդակցության ժամանակ այս մասին հայտարարել է ՌԴ վարչապետ Միխայիլ Միշուստինը` ամփոփելով ԱՊՀ կառավարությունների ղեկավարների խորհրդի և Եվրասիական միջկառավարական խորհրդի նիստերի արդյունքները:
«Անկախ պետությունների համագործակցությունը և Եվրասիական տնտեսական միությունը մեր տարածաշրջանում կապերի ամրապնդման հիմնական հարթակներն են։ Իհարկե, մենք բոլորս պետք է առաջ մղենք հետագա գործնական փոխգործակցությունը մեր մերձավոր հարևանների հետ և, իհարկե, պետք է ընդլայնենք մեր գործունեության դաշտը։ Դա բոլոր մասնակիցների շահերից է բխում»,-ասել է Միշուստինը՝ փոխվարչապետներին հանձնարարելով վերահսկել պայմանավորվածությունների իրագործումը իրենց պատասխանատվության ոլորտներում։
Անցած շաբաթ Մոսկվայում կայացել է ԱՊՀ կառավարությունների ղեկավարների խորհրդի և Եվրասիական միջկառավարական խորհրդի նիստը:
Միշուստինի խոսքով՝ ԵԱՏՄ երկրները շարունակում են աշխատել ապրանքների, ծառայությունների, կապիտալի և աշխատուժի ազատ տեղաշարժի ապահովման ուղղությամբ: Մի շարք որոշումներ են ընդունվել ինտեգրման ներուժն ամբողջությամբ բացահայտելու համար, և դրանցից մեկը վերաբերում է համատեղ կոոպերացիոն նախագծերի շրջանակներում «հնգյակի» պետությունների բիզնեսին օգնելուն։
Sputnik Արմենիա
ПОСЛЕДНИЕ ОТ АВТОРА
-
New2025-03-17 19:47Лжец, опубликуй документ, ты, наконец, собираешься публично рассказать, что такое это так называемое мирное соглашение? Об этом в беседе с журналистами 17 марта заявил лидер движения «Во имя Родины», архиепископ Баграт Галстанян.
-
New2025-03-17 19:46Семилетний воспитанник спортцентра «Дюцазнатун» фонда Hi-Am Нарек Глчян официально внесен в Книгу рекордов Гиннесса.
-
New2025-03-17 19:43Йеменские силы во второй раз за последние часы атаковали американский авианосец USS Harry S. Truman, сорвав авиаудары США. Об этом сообщает Irna.
-
New2025-03-17 18:58Молодые представители движения «Священная борьба» на перекрестке улицы Туманяна и Северного проспекта в Ереване проводят акцию протеста под названием «Не доверяю этим властям».