2024-12-17 08:47
Информагентства
ԵՄ երկրները չեն պայմանավորվել Վրաստանի դեմ անհատական պատժամիջոցներ սահմանելու մասին
ԵՄ երկրները չեն կարողացել պայմանավորվել Վրաստանի դեմ անհատական պատժամիջոցներ սահմանելու մասին: Այդ մասին հայտարարել է ԵՄ արտաքին քաղաքական ծառայության ղեկավար Կայա Կալասը՝ ԵՄ ԱԳ նախարարների հանդիպման արդյունքներով կայացած մամուլի ասուլիսում:
«Պատժամիջոցների սահմանման համար մեզ, ցավոք, միասնություն է պետք, որն առայժմ չկա», - հայտարարել է նա:
ԵՄ պաշտոնյան հաստատել է, որ վրացական ղեկավարության դեմ անհատական պատժամիջոցներն արգելափակել են Հունգարիան և Սլովակիան: «Վրացական երազանք» կուսակցության դեմ պատժամիջոցներին դեմ են արտահայտվել նաև Լյուքսեմբուրգը և մի շարք այլ երկրներ:
Հիշեցնենք, որ Վրաստանում նոյեմբերի 28-ին բողոքի ակցիաներ են սկսվել՝ ի պատասխան ԵՄ-ին երկրի անդամակցության շուրջ բանակցությունների հարցը մինչև 2028 թվականը օրակարգից հանելու իշխանությունների որոշման: Հանրահավաքները պարբերաբար անցկացվում են երկրի տարբեր քաղաքներում, սակայն Թբիլիսիում դրանք համակարգված և մասշտաբային բնույթ են ստացել։
Բողոքի ակցիաներում տիրող մթնոլորտը փոխվել է դեկտեմբերի 4-ին ընդդիմության գրասենյակներում իրականացված խուզարկություններից և մեծ քանակությամբ պիրոտեխնիկա, հակագազեր, «Մոլոտովի կոկտեյլներ», համակարգիչներ և այլ իրեր առգրավելուց հետո: Ակցիաների ժամանակ կատարված անկարգությունների ժամանակ տուժել է ավելի քան 150 ոստիկան։ Ընդդիմության և ոչ կառավարական կազմակերպությունների տվյալներով՝ ավելի քան 300 մարդ (ցուցարարներ և լրագրողներ) ուժայինների կողմից ենթարկվել է բռնության և դաժան վերաբերմունքի:
Sputnik Արմենիա
ПОСЛЕДНИЕ ОТ АВТОРА
-
New2025-03-17 14:42Всеармянский совет дипломатов выступил с заявлением, в котором говорится:
-
New2025-03-17 14:01Обвинения против Рубена Варданяна ложны и нелепы, заявил врач и гуманист Том Катена, лауреат международной гуманитарной премии Aurora и основатель клиники Mother of Mercy в Нубийском регионе Судана.
-
New2025-03-17 14:00Тегеран пока не планирует раскрывать детали направленного ему ранее президентом США Дональдом Трампом письма по ядерной сделке, сообщения в СМИ относительно содержания письма являются домыслами. Об этом заявил в ходе пресс-конференции официальный представитель иранского МИД Исмаил Багаи.
-
New2025-03-17 13:58Очередной случай насилия и ограбления перемещенных из Нагорного Карабаха зарегистрирован в Армении. Об этом пишет адвокат Роман Ерицян в соцсетях.