2024-12-18 17:15
Информагентства
Զելենսկի․ Ուկրաինական բանակը ուժ չունի վերադարձնելու Դոնբասը և Ղրիմը
Ուկրաինական բանակը ուժ չունի վերադարձնելու Դոնբասը և Ղրիմը, որը գրավել է Ռուսաստանը, սակայն Կիևը չի կարող հրաժարվել այդ տարածքներից, հայտարարել է Ուկրաինայի նախագահ Վլադիմիր Զելենսկին։
«Ուկրաինայի Սահմանադրությունն արգելում է մեզ դա անել։ Դե ֆակտո այս տարածքներն այժմ վերահսկվում են ռուսների կողմից։ Մենք ուժ չունենք նրանց հետ բերելու։ Մենք կարող ենք հույս դնել միայն միջազգային հանրության դիվանագիտական ճնշման վրա՝ ստիպելու [Ռուսաստանի նախագահ Վլադիմիր] Պուտինին նստել բանակցությունների սեղանի շուրջ»,- ասել է Զելենսկին ֆրանսիական Le Parisien թերթին տված հարցազրույցում։
Միևնույն ժամանակ, այն հարցին, թե պատրաստ է արդյոք խաղաղ երկխոսություն սկսել Պուտինի հետ, Զելենսկին ասել է, որ կարևոր չէ, թե ով է նստած դիմացը, «կարևոր է, թե դու ինչ վիճակում ես»։ «Չեմ կարծում, որ մենք թույլ դիրքերում ենք, բայց մենք նաև ուժեղ դիրքերում չենք: Կլինե՞նք ՆԱՏՕ-ում. Մենք չգիտենք։ Կլինե՞նք արդյոք Եվրամիության մաս։ Այո, ապագայում, բայց ե՞րբ»,- ասել է Ուկրաինայի նախագահը։
Նրա խոսքով՝ Պուտինի հետ բանակցություններ սկսելը նման պայմաններում նշանակում է «իրավունք տալ նրան որոշել ամեն ինչ աշխարհի մեր մասում»։ Հետևաբար, Զելենսկին կոչ է արել նախ մշակել «գործողությունների ծրագիր կամ խաղաղության ծրագիր», որը կարող է ներկայացվել Պուտինին «կամ, ավելի լայն, ռուսներին»:
Միևնույն ժամանակ, Ուկրաինայի ղեկավարը հավելել է, որ ոչ մի համաշխարհային առաջնորդ «իրավունք չունի Պուտինի հետ բանակցել առանց Ուկրաինայի»։ «Մենք այս մանդատը ոչ մեկին չենք պատվիրակել։ Մենք զոհ ենք»,- ընդգծել է Զելենսկին։
Նա հիշատակել է ԱՄՆ նորընտիր նախագահ Դոնալդ Թրամփին, ով ցանկանում է արագ գործել՝ պատերազմն ավարտելու համար։ Սակայն, ըստ Զելենսկու, Թրամփը դեռ Սպիտակ տանը չէ և չունի ռազմական կոնֆլիկտի մասին բոլոր տեղեկությունները՝ եզրակացություններ անելու համար։ Ուկրաինայի նախագահը նաև վտանգավոր է անվանել Ռուսաստանի հետ բանակցություններ սկսելուց առաջ ռազմական գործողությունների «սառեցումը»։
Զելենսկին հույս է հայտնել, որ Թրամփի գալուստով ԱՄՆ-ն կշարունակի աջակցել Ուկրաինային և կավելացնի ռազմական օգնությունը։ «Միացյալ Նահանգները եղել և մնում է մեր գլխավոր դոնորն այս պատերազմում, թեև Ուկրաինայի համար, ես ուզում եմ ընդգծել սա, կարևոր են և՛ Եվրոպան, և՛ Միացյալ Նահանգները։ Մենք ոչ մեկին ուրիշից վեր չենք դասում։ Ամերիկան կարող է ազդեցություն ունենալ Պուտինի վրա. Եվրամիությունը մեր ապագան է. Ահա, թե որտեղ ենք մենք մեզ տեսնում»,- եզրափակել է Ուկրաինայի նախագահը։
News.am
ПОСЛЕДНИЕ ОТ АВТОРА
-
New2025-03-14 09:38Залог долголетия — элементарные повседневные привычки, которые либо ускоряют, либо, наоборот, тормозят процесс старения, пишет Daily Express. Авторы предлагают взять на вооружение три полезных ритуала и повторять их ежедневно.
-
New2025-03-14 09:044 марта ТАСС сообщил, что Сергей Собянин принял участие в церемонии закладки памятника Гейдару Алиеву. «Мэр Москвы Сергей Собянин во вторник принял участие в церемонии закладки монумента дважды Герою Социалистического Труда, государственному и политическому деятелю, председателю комиссии Совета министров СССР по строительству и освоению Байкало-Амурской магистрали (БАМ) Гейдару Алиеву», - говорилось в сообщении.
-
New2025-03-14 08:09Азербайджан готовится к новой войне. Об этом написал тюрколог Варужан Гегамян, который прокомментировал звучащие из Азербайджана предусловия и угрозы касательно «мирного соглашения».
-
New2025-03-14 08:06Так называемое «мирное соглашение» должно было включать вопросы выполнения властями Азербайджана исков Армении в международных инстанциях, а не отказа от них. Об этом пишет бывший омбудсмен Армении Арман Татоян.