2024-12-25 09:06
Информагентства
Թբիլիսիի քաղաքապետ․ Վրաստանը չի հանդուրժի ԵՄ-ի շանտաժները
Վրաստանի իշխող «Վրացական երազանք» կուսակցության գլխավոր քարտուղար և Թբիլիսիի քաղաքապետ Կախա Կալաձեն քննադատել է երկրի վրա արևմտյան ճնշումները: Նա հայտարարել է, որ ԵՄ-ին անդամակցելու համար ֆինանսական օգնությամբ կամ թեկնածուի կարգավիճակով շանտաժ անելն անընդունելի է:
«Մե՛կ փողով շանտաժը, մե՛կ թեկնածուի կարգավիճակով շանտաժը, մե՛կ բանակցություններ սկսել– չսկսելու շանտաժը մեզ համար կտրականապես անընդունելի են։ Մենք բարեկամություն և գործընկերություն ենք ուզում, բայց իրավահավասարության պայմաններում»,- Կալաձեի խոսքը մեջբերում է Sputnik Գրուզիան։
Մեկնաբանությունը հնչել է Գերմանիայի կողմից 237 մլն եվրո արժողությամբ նախագծերի կասեցման ֆոնին, ինչը, Վրաստանում Գերմանիայի դեսպան Պետեր Ֆիշերի խոսքով, կապված է եվրաինտեգրումից երկրի նահանջի և բողոքի ցույցերի ճնշման հետ:
Կալաձեն հավելել է, որ իշխանությունները պատրաստ են փոխհատուցել հնարավոր կորուստները:
«Եթե որոշակի ոլորտների աջակցելու անհրաժեշտություն կա, այսօր Վրաստանի բյուջեն պատրաստ է օգնել։ Մենք միշտ լինելու ենք ժողովրդի կողքին»,-ասել է նա։
Հիշեցնենք` Վրաստանում չի հանդարտվում բողոքի ալիքը, որն ավելի բուռն ընթացք ստացավ, երբ իշխանությունը հայտարարեց, որ ԵՄ-ին անդամակցելու շուրջ բանակցություններ սկսելու հարցը մինչև 2028 թվականը հանում են օրակարգից, քանի որ այդ հարցն օգտագործվում է որպես շանտաժի գործիք։ Ընդդիմության առաջնորդներն ու նրանց համախոհները պահանջում են խորհրդարանական նոր ընտրություններ անցկացնել, իսկ հոկտեմբերի 26-ի ընտրությունները կեղծված են որակում։
ԱՄՆ-ն և ԵՄ-ն ուժեղացրել են ճնշումը Վրաստանի վրա` սառեցնելով ֆինանսական օգնության մի մասը, դադարեցնելով համատեղ ծրագրերը և պատժամիջոցներ սահմանելով վրացական ղեկավարության ներկայացուցիչների դեմ: ԱՄՆ-ն նաև հետաձգել է «Noble Partner» զորավարժությունները և վիզային սահմանափակումներ է մտցրել երկրի ավելի քան 100 քաղաքացիների համար:
Արևմուտքը Վրաստանի իշխանություններին մեղադրում է ժողովրդավարական սկզբունքներից հեռանալու և ցուցարարների դեմ բռնաճնշումների մեջ։ Թբիլիսին պնդում է, որ ընտրությունները լեգիտիմ են` վկայակոչելով այն փաստը, որ ԵԱՀԿ/ԺՀՄԻԳ-ը և երկրի Սահմանադրական դատարանը ճանաչել են ընտրությունների արդյունքները։
Sputnik Արմենիա
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.