2024-12-25 09:20
Рубен МАРГАРЯН
ՀԱՄԲԵՐԱՏԱՐ ՓԱՇԻՆՅԱՆՆ ՈՒ ԹԵՐԱՀԱՎԱՏ ԱԼԻԵՎԸ
Իհարկե, Նիկոլ Փաշինյան-2024-ը բնավ 2018-ի նմուշի Նիկոլ Փաշինյանը չէ։ Սա այն ինքնագոհ պիժոնը չէ, որը կիսվում էր կառավարական առանձնատան մոտ գինու շիշը կողքին խոտին փռված լուսանկարներով։
Այնպես չէ, թե ինքնագոհությունն ընդհանրապես վերացել է, բայց բավական նվազել է, չնայած փրկչային բարդույթը դեռ զգացնել է տալիս իրեն: Քանզի միայն այդպիսի բարդույթով հիմնավորապես ախտահարված մարդը կարող է խրատել համաքաղաքացիներին, որ սափրվելու ընթացքում խնայեն ջուրը, դատարկ սենյակում լույսը վառ չթողնեն, և կիսվել «առանց քանդելու չես կառուցի» կարգի հայտնություններով։ Բայց իր կառավարման 6 տարիների ընթացքում Նիկոլը, խոստովանենք, շատ բան է սովորել։ Օրինակ, համբերատար ինչ-որ բան բացատրել՝ առանց հիստերիայի մեջ ընկնելու։ Ահա արդեն որերորդ անգամ լսում ենք նրա հիմնավորումը, թե Հայաստանի Սահմանադրության մեջ Ադրբեջանի նկատմամբ ոչ մի տարածքային նկրտում չկա, և քանի որ ինքը՝ Փաշինյանը, Արցախը ճանաչել է Ադրբեջանի մաս, ուրեմն վե՛րջ, խնդիրը լուծված է առհավետ։
Դժվար է հաշվել, թե արդեն քանի անգամ է Փաշինյանը հանդես եկել նման հայտարարություններով. այդպես համբերատար ամեն ինչ պարզաբանում ու բացատրում է Ալիևին՝ ի պատասխան վերջինիս հերթական ագրեսիվ հայտարարություն-վերջնագրերի:
Մատների վրա բացատրում է Փաշինյանը Ալիևին, որ Հայաստանի Անկախության հռչակագրի այն դրույթը, որում խոսվում է Արցախի մասին, սահմանադրական որևէ ուժ չունի, քանի որ մեր քաջարի Սահմանադրական դատարանի որոշման համաձայն, որը ձևել են Նիկոլի ցանկությամբ, Հայաստանի Սահմանադրության մեջ ուժ ունեն Հռչակագրի միայն այն դրույթները, որոնք այնուհետ արտացոլված են բուն Սահմանադրության մեջ։ Եվ քանի որ բուն Սահմանադրության մեջ Արցախի մասին ոչ մի հիշատակում չկա, ապա Անկախության հռչակագրի համապատասխան դրույթը որևէ իրավական բեռ չի կրում։ Իբր՝ ասենք թե ինչ-որ տեղ ինչ-որ բան են գրել այդ անիծյալ նախկին կոռումպացված իշխանությունները, հետո՞ ինչ։
Այդպես համբերատար բացատրում է ամեն ինչ Ալիևին, մեթոդաբար, հանգամանորեն, իսկ Ալիևը, միևնույնն է, չի հավատում Նիկոլին։ Եվ խնդիրն այստեղ այն չէ, թե Նիկոլը վատ է բացատրում։ Նիկոլը շատ լավ է բացատրում, բայց խնդիրն այն է, որ Ալիևը հասկանում է. ի տարբերություն այդքան համբերատար դարձած Փաշինյանի, որը մտահոգված է միայն իր իշխանությունը երկարաձգելով, իր արածի համար պատասխանատվությունից խուսափելով, հայ ժողովուրդը ոչինչ չի մոռացել և ոչինչ չի ների Ալիևին։ Այդպես է համարում Իլհամ Ալիևը, և նա իրավացի է։
Ահա և ստացվում է, որ Իլհամ Ալիևը հայ ժողովրդի մասին ավելի լավ կարծիքի է, քան Նիկոլ Փաշինյանը, որը համարում է, թե փառատոններով, համերգներով, զանգվածային թամաշաներով ու դրամական ողորմությամբ կարելի է գնել ժողովրդի թե՛ հիշողությունը, թե՛ արժանապատվությունը։ Ալիևը մտավախություն ունի, որ Հայաստանում ոչ բոլորն են այնպիսի մանկուրտներ, ինչպիսին Նիկոլն է, և ուշքի գալով Փաշինյանի օրոք կրած պարտությունների շարանի շոկից՝ վաղ թե ուշ հաշիվ են ներկայացնելու Ալիևին։
Հայաստանի Սահմանադրությունը փոխելու իր պահանջով Ալիևը փաստացի ասում է Նիկոլ Փաշինյանին. ապացուցի՛ր, որ հայ ժողովրդի մեծամասնությունը քեզ պես մանկուրտներ են։ Իսկ Փաշինյանն ուրախ կլիներ ապացուցել, բայց որպես փորձառու քաղաքական մարտավար՝ հասկանում է. չի ձգի ինքը սահմանադրական հանրաքվե։
Չի ձգի, քանզի Հայաստանում դեռ բնավ ամենն ու ամենքը չեն, որ գնվել են. դեռ չի ավարտել ինքը ժողովրդի գիտակցության վերաձևաչափման գործողությունը։
ПОСЛЕДНИЕ ОТ АВТОРА
-
2025-06-26 10:54Итак, Никол разоблачил очередной «заговор», очередную попытку «государственного переворота». Почему говорим, что разоблачил Никол? Потому как, исходя их принципа презумпции невиновности, полагаем, что в правоохранительных органах есть профессионалы и не состряпали бы такую дешевку по своей воле.
-
2025-06-25 09:52Пусть простит Америка, которую Трамп хочет снова сделать великой, но ее нынешний президент все более и более напоминает нашего Пашиняна. Ну, с поправкой на статус лидера ядерной державы. Также не воздержан на слова. Такой же оптимист без особых на то оснований. Такой же великий поучатель всех и всему. Начинал бодро, надавал кучу обещаний. Что-то поначалу получалось. При поддержке Маска начал борьбу с растранжированием государственных средств, выделяемых на сомнительные гранты. На несколько дней остановил действия Израиля в Газе. Возобновил диалог с Россией.
-
2025-06-24 10:37Во время встречи с представителями армянской общины Турции Пашинян повторил мысль, однажды уже им высказанную по ходу форума Армения-Диаспора. О том, что его фраза «Арцах - это Армения» была продиктована патриотизмом. То же заявил на этот раз. Дескать, так говорил, потому как был патриотом. Дескать, не дурак: понимал, что это не совсем так, что это раздражает Азербайджан, но был патриотом.
-
2025-06-21 10:39Лучшие аналитические умы Армении бьются разгадать, что же случилось с Николом Пашиняном, когда он вдруг решил наехать на Самвела Карапетяна? На человека, о котором годами ранее говорил исключительно с придыханием. Можно сказать, оды пел в его честь, в честь его известной благотворительной деятельности в Армении и Арцахе.