2024-12-25 13:06
Информагентства
Իշխան ՍԱՂԱԹԵԼՅԱՆ․ ՓԱՇԻՆՅԱՆԻ ՌԵԱԼԻԹԻ ՇՈՈՒ ՀԻՇԵՑՆՈՂ ԱԿՏԻՎՈՒԹՅՈՒՆԸ ՊԵՏՔ Է ԴԻՏԱՐԿԵԼ ՆՈՐ ԶԻՋՈՒՄՆԵՐԻ ՀԱՄԱՏԵՔՍՏՈՒՄ
«Վերջին շրջանում Փաշինյանի և կնոջ ռեալիթի շոու հիշեցնող ակտիվությունը պետք է դիտարկել Հայաստանի համար նախապատրաստվող նոր զիջումների համատեքստում»,- նշել է ՀՅԴ ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը։
Ըստ նրա, այդ շրջանակում պետք է դիտարկել նաև աղմկահարույց բանավեճի առաջարկը։
«Առաջարկից առաջ Նիկոլը լավ գիտեր, որ իր հետ նախկին նախագահները չեն բանավիճելու։ Պարզ պատճառով՝ Արցախի հայկական լինելու հարցում հայկական կողմը նույնիսկ Ալիևի հետ չի բանավիճել։ Ինչպես հայկական կողմը Թուրքիայի հետ չի բանավիճել ցեղասպանության փաստի շուրջ։ Դրանք պատմական փաստեր են, որոնք բանավեճի առարկա են փորձում դարձնել բացառապես մեր թշնամիները։
Ուրեմն խնդիրը ոչ թե բանավեճի առարկան է, այլ հերթական զիջումներից առաջ մեղավորների նշանակումը։
Այսպիսով մեկնարկում է Ալիևի հերթական պահանջները բավարարելու (Մինսկի խմբի լուծարում, սահմանագծման և սահմանազատման անվան տակ նոր տարածքների հանձնում, վերջնական կապիտուլյացիայի ստորագրում, ադրբեջանցիներին՝ Հայաստանում բնակեցում) քարոզարշավը և դրա նախապատրաստական աշխատանքները։
Եվ այս սցենարում ամենասարսափելին հայ ժողովրդին Փաշինյան-Ալիև պայմանավորվածությունների հանցակիցը կամ լուռ վկան դարձնելու միտումն է։
Այդ իսկ պատճառով շատ կարևոր է, որ քաղաքական ուժերը, փորձագիտական դաշտը, հանրային առողջ շերտերը չընկնեն Փաշինյանի կողմից լարած ծուղակը և ակամայից մաս չդառնան նրա կողմից թելադրված կեղծ օրակարգին։
Հետևաբար մենք պետք է կենտրոնանանք երկու հիմնական անելիքների վրա՝
-բոլոր հնարավոր միջոցներով հանրությանը ներկայացնել իրականությունը և թույլ չտալ կեղծել այն.
-համախմբել ուժերը սպասվող սպառնալիքներ կանխելու ուղղությամբ։
Հ.Գ. Այս առումով չափազանց գնահատելի է նախկին արտգործնախարար Վարդան Օսկանյանի կողմից իրականացվող հանրային իրազեկման աշխատանքները և փաստարկված այլընտրանքային առաջարկների ներկայացումը»,- գրել է Իշխան Սաղաթելյանը։
ПОСЛЕДНИЕ ОТ АВТОРА
-
2025-03-14 19:49Генсек НАТО Марк Рютте подтвердил, что вопрос вступления Украины в альянс больше не стоит на повестке дня.
-
2025-03-14 19:46Министр иностранных дел Грузии Мака Бочоришвили прияла чрезвычайного и полномочного посла США в Грузии с Робин Данниган с кем обсудила повестку дня сотрудничества двух стран, сообщает пресс-служба МИД Грузии.
-
2025-03-14 19:43Пресс-секретарь Белого дома Каролин Левитт уточнила, что с президентом РФ Владимиром Путиным говорил не американский лидер Дональд Трамп, а его советник Стив Уиткофф, ранее посетивший Москву.
-
2025-03-14 19:41Генеральный секретарь НАТО Марк Рютте заявил, что отношения с Россией должны быть в конечном итоге нормализованы после окончания войны в Украине.