2025-01-14 16:16
Информагентства
Հարավային Կովկասի երկրներն իրենք են երբևէ լուծելու իրենց խնդիրները. Լավրովը՝ «3+3»–ի մասին
Ռուսաստանի արտգործնախարար Սերգեյ Լավրովը վստահ է, որ Հարավային Կովկասի երկրները ժամանակի ընթացքում ինքնուրույն կլուծեն տարածաշրջանային խնդիրները: Այս մասին նա հայտարարել է մամուլի ասուլիսի ժամանակ՝ անդրադառնալով «3+3» ձևաչափին։
Նրա խոսքով՝ տարածաշրջանում առկա հարցերի լուծման այս ձևաչափն ամենաարդյունավետն է։ Լավրովն ընդգծել է, որ ԱՄՆ-ի և ԵՄ-ի` հայ–ադրբեջանական գործընթացին միջամտելու փորձերը միայն բարդացնում են իրավիճակը։
«Երբ մեր տարածաշրջանից, ավանդույթներից ու պատմությունից հեռու գտնվող երկրները հայտարարում են, որ ապահովելու են Սյունիքի անվտանգությունը, հարցեր են առաջանում։ Օրինակ` ես այնքան էլ չեմ հասկանում, թե ինչպես կարող է Եվրամիության առաքելությունը նման խնդիր կատարել», - նշել է նախարարը։
Նա նաև ուշադրություն է հրավիրել Վաշինգտոնի և Բրյուսելի` հայ–ադրբեջանական գործընթացին միջամտելու համառ փորձերի վրա:
«Լսեցի՝ Ադրբեջանն ու Հայաստանը կարծես թե արդեն գործնականում պայմանավորվել են խաղաղության պայմանագրի շուրջ։ Եվ հասկանալի է, որ մնացած երկու հարցերը նրանք... Դժվար է դրանք ինչ-որ կերպ շրջանցել։ Ու միանգամից Եվրահանձնաժողովը, Եվրամիությունը սկսեցին խոսել՝ մենք հիմա կգանք, ձեզ կօգնենք»։ Ադրբեջանի, Հայաստանի ինքնիշխան որոշումն է, թե փաստաթուղթը համաձայնեցվելու դեպքում այն որտեղ պետք է ստորագրվի։ Բայց Բրյուսելի և Վաշինգտոնի ձգտումն է ինչ -որ կերպ ցույց տալ, որ իրենք են ամեն ինչ արել... կան ասացվածքներ, որոնք այնքան էլ պարկեշտ չեն...», - հայտարարել է նա։
Նշենք, որ հիշյալ ձևաչափի շրջանակում 2021-2024թթ. արդեն կայացել է 3 հանդիպում՝ Մոսկվայում, Թեհրանում և Ստամբուլում: Ինչ վերաբերում է հայ-ադրբեջանական կարգավորմանը, ապա Ռուսաստանը բազմիցս հայտարարել է, որ երկկողմ հարաբերությունների կարգավորման հարցում պատրաստ է աջակցել գործընկերներին՝ խստորեն հավատարիմ մնալով Ռուսաստանի, Հայաստանի և Ադրբեջանի ղեկավարների` 2020-2022 թվականներին ձեռք բերած եռակողմ պայմանավորվածություններին։ Իսկ այդ աջակցության ձևերն ու ծավալները կողմերն են որոշում։
ПОСЛЕДНИЕ ОТ АВТОРА
-
New2025-06-20 18:09Полиция Армении осуществляет усиленное дежурство, в рамках которого проводятся профилактические работы. Об этом говорится в заявлении МВД Армении.
-
New2025-06-20 18:07В региональных подразделениях АРФ "Дашнакцутюн" проходят незаконные задержания и обыски. Об этом сообщил в соцсетях представитель верховного органа партии Ишхан Сагателян.
-
New2025-06-20 18:04Этери Карапетян – супруга бизнесмена, благотворителя Самвела Карапетяна опубликовала пост в соцсетях, в котором подчеркнула, что их семья всегда была, есть и будет рядом с армянским народом и Армянской Апостольской Церковью.
-
New2025-06-20 18:01Очередь дошла и до АРФ Дашнакцутюн. Только что имели место незаконные задержания и обыски в отношении ответственных товарищей областных структур АРФД. Об этом говорится в заявлении, распространенном ВО АРФД.