2025-01-18 10:10
Информагентства
Վարդան ՈՍԿԱՆՅԱՆ․ ԻՐԱՆՆ ՈՒ ՌՈՒՍԱՍՏԱՆԸ ՆՎԱԶԱԳՈՒՅՆԻ ԿՀԱՍՑՆԵՆ ԹՈՒՐՔԻԱՅԻ ՆԵՐԿԱՅՈՒԹՅՈՒՆԸ ՏԱՐԱԾԱՇՐՋԱՆՈՒՄ (ՏԵՍԱՆՅՈՒԹ)
Այսօր ՌԴ նախագահ Վլադիմիր Պուտինն ու Իրանի նախագահ Մասուդ Ֆեզեշքիանը համաձայնագիր են ստորագրել Իրանի և Ռուսաստանի միջև համապարփակ ռազմավարական գործընկերության մասին։ Թեմայի վերաբերյալ Alpha News-ը զրուցել է իրանագետ Վարդան Ոսկանյանի հետ։
«Մենք դեռևս շատ տեղեկություն չունենք նշված համաձայնագրի կետերի վերաբերյալ։ Ակնհայտ է՝ թեև պայմանագրով արձանագրված չի լինի, բայց հանդիպումից հետո կամ առաջ քննարկվել է Հարավային Կովկասի խնդիրը։ Այս տարածաշրջանում ստեղծվել է նոր իրավիճակ, և՛ ռուսական, և՛ իրանական կողմի շահերից չի բխում Թուրքիայի ներկայությունը մեր տարածաշրջանում։ Բայց նրանք հաշվի են առնում նաև իրենց ռեսուրսային ծանրաբեռնվածությունը՝ Իրանի պարագայում՝ Մերձավոր Արևելքում, Ռուսաստանի՝ հատկապես ուկրաինական պատերազմում»,- նկատել է իրանագետը։
Մեր զրուցակցի խոսքով՝ նրանք եթե չչեզոքացնեն, ապա կփորձեն գոնե նվազագույնի հասցնել Թուրքիայի ներկայությունը մեր տարածաշրջանում։
«Ըստ էության, այժմ փորձում են դիրքավորվել այնպիսի իրականության մեջ, որտեղ Հարավային Կովկասում կա Թուրքիա։ Սա չի նշանակում, որ կողմերը հաշտվելու են թուրքական ներկայության հետ ու փորձեր չեն անելու այդ ներկայությունը զրոյացնել կամ հասցնել նվազագույնի»,- եզրափակել է Վարդան Ոսկանյանը։
Նշենք, որ ռուսական լրատվամիջոցների փոխանցմամբ՝ այդ փաստաթուղթը կփոխարինի Իրանի և Ռուսաստանի միջև հարաբերությունների հիմքերի և համագործակցության սկզբունքների վերաբերյալ գործող համաձայնագրին, որը ստորագրվել էր դեռ 2001 թվականին։
Կողմերը նոր համաձայնագրի մշակման վրա աշխատում են 2022 թվականից։
Վլադիմիր Պուտինը ստորագրված համաձայնագիրը բեկում է անվանել երկու երկրների և ողջ տարածաշրջանի կայուն զարգացման համար։ Պուտինը Իրանի ղեկավարի հետ բանակցությունները որակել է որպես բարեկամական և կառուցողական՝ նշելով, որ Մոսկվայի և Թեհրանի դիրքորոշումները արտաքին քաղաքական հարցերի մեծ մասում համընկնում են։
ПОСЛЕДНИЕ ОТ АВТОРА
-
2025-05-05 19:44Град, выпавший в Арташате, нанес ущерб абрикосовым деревьям и виноградникам. Об этом Sputnik Армения сообщил бывший глава сельскохозяйственного управления областной администрации Арарата Айказ Тертерян.
-
2025-05-05 19:40Подозреваемого по делу о доведении до самоубийства военнослужащего-срочника подразделения погранвойск СНБ А.А. в Сюникской области арестовали. Об этом Armenia Today сообщила пресс-секретарь Следственного комитета (СК) Кима Авдалян.
-
2025-05-05 19:38Все 133 кардинала, имеющие право голоса на предстоящем конклаве, прибыли в Рим для участия в выборах нового папы Римского. Об этом сообщила служба печати Святого престола.
-
2025-05-05 19:34Министр иностранных дел Ирана Аббас Аракчи в рамках официального визита в Исламабад провел переговоры с министром иностранных дел Пакистана и обозначил три основные цели своей поездки: обсуждение актуальных событий в Южной Азии, обмен мнениями по непрямым переговорам между Ираном и Соединенными Штатами, а также развитие двустороннего сотрудничества.