2025-01-18 11:14
Информагентства
Արթուր ԽԱՉԻԿՅԱՆ․ ԱԴՐԲԵՋԱՆԸ ՍԱՀՄԱՆՆԵՐՆ ԱՄՐԱՊՆԴՈՒՄ Է ԴՐՈՆՆԵՐՈՎ, ՀԱՅԱՍՏԱՆԸ՝ ԴԻՏՈՐԴՆԵՐՈՎ (ՏԵՍԱՆՅՈՒԹ)
Alpha News-ի հետ զրույցում Սթենֆորդի համալսարանի քաղաքագիտության դոկտոր Արթուր Խաչիկյանը ներկայացրել է հայ-ամերիկյան ռազմավարական գործընկերության մասին կանոնադրությունը: Ըստ նրա՝ այն կոչվում է ստրատեգիական համագործակցության պայմանագիր:
«Դա նույն պայմանագիրն է, որի նման Միացյալ Նահանգներն ունի Աֆղանստանի, Վրաստանի հետ: Դա չօգնեց ոչ աֆղանստանցիներին, ոչ վրացիներին, որտեղ ռուսական բանակը համարյա Թիֆլիս էր մտնում: Նույն պայմանագիրը 3 եվրոպական երկիր՝ Գերմանիան, Ֆրանսիան և Մեծ Բրիտանիան, կնքել են Ուկրաինայի հետ: Եվ մինչ ռուսներն առաջ են գնում, անգլիացիների, ֆրանսիացիների ու գերմանացիների պաշտոնական զորքերը ներկա՞ են Ուկրաինայում: Ո՛չ»,- նշել է Արթուր Խաչիկյանը:
Նրա խոսքով՝ այդ կանոնադրության մեջ սահմաններն ամրապնդելու մասին հստակ ոչ մի խոսք չկա:
«Փաստաթղթում ինչ-որ ուսման ծրագրերի մասին կա գրված, դեմ չենք դրան, շատ լավ է: Տնտեսական աջակցության մասին է գրված: Խոսվում է նաև սահմանների ամրապնդման մասին, բայց ի՞նչ ձևով, ինչո՞վ ամրապնդել: Թուրքիան ու Ադրբեջանն իրենց սահմաններնը ամրապնդում են դրոններով ու զրահամեքենաներով, մե՞նք ինչով ենք ամրապնդելու՝ դիտորդներո՞վ, հեռախոսազանգերո՞վ, դա պետք է պարզել»,- ընդգծել է մեր զրուցակիցը:
Արթուր Խաչիկյանը մի կետ է առանձնացրել, ըստ որի՝ Հայաստանը համագործակցելու է իսլամական պետության դեմ:
«Հետաքրքիր է նաև այն, որ գրված է՝ մենք համագործակցելու ենք իսլամական պետության դեմ: Դա արվում է այն բանից հետո, երբ իսլամական պետության ղեկավարներից մեկին ԱՄՆ-ն ու Եվրոպան բերեցին իշխանության Սիրիայում: Հիմա Հայաստանը համագործակցելու է իսլամական պետության դեմ: Իսկ իսլամական պետությանը օգնում է ԱՄՆ-ը Սիրիայում: Շատ տարօրինակ է»,- ասել է Խաչիկյանը:
Քաղաքագետը նաև նկատել է, որ այդ կանոնադրությունում ոչ մի խոսք չկա ռազմական դաշինքի մասին:
«Այնտեղ բացի այս գեղեցիկ ու ոչ շատ կարևոր քայլերից, ինչ-որ բառ կա՞ ռազմական դաշինքի մասին: Ո՛չ: ԱՄՆ-ն, օրինակ, դաշնակցային պարտավորություններ ունի ՆԱՏՕ-ի երկրների հետ, հարձակումը որևէ երկրի վրա համարվում է հարձակում Միացյալ Նահանգների վրա:
ԱՄՆ-ը չունի պաշտոնական պայմանագիր Իսրայելի հետ, բայց երբ հարձակում եղավ Իսրայելի վրա, այնտեղ րոպեների ընթացքում ԱՄՆ-ի բոլոր ուժերը օգտագործեցին Իսրայելի պաշտպանության համար՝ անգամ ցեղասպանության դեպքում: ԱՄՆ-ը մեզ չի ասում՝ դուք մեր դաշնակիցն եք, ՆԱՏՕ-ի մասին խոսք չկա, ինչ-որ լուրջ սպառազինությունների մասին խոսք չկա»,- եզրափակել է Արթուր Խաչիկյանը:
Հիշեցնենք՝ հունվարի 14-ին ՀՀ ԱԳ նախարար Արարատ Միրզոյանը և ԱՄՆ պետքարտուղար Էնթոնի Բլինքենը ստորագրել են ՀՀ-ի և ԱՄՆ-ի միջև ռազմավարական գործընկերության կանոնադրությունը։ Ստորագրման արարողությունը տեղի է ունեցել Վաշինգտոնում։
Կանոնադրությունը ստորագրելուց առաջ Էնթոնի Բլինքենը հայտարարել է՝ միտված են ամրապնդելու ՀՀ ինքնիշխանության պաշտպանությունն իր համապատասխան տարածքում։
ПОСЛЕДНИЕ ОТ АВТОРА
-
New2025-03-15 11:13Вопрос транспортировки тела жительницы Нагорного Карабаха Веры Агасян в Армению остается нерешенным. Об этом Sputnik Армения сообщили в Службе национальной безопасности Армении в ответ на письменный запрос.
-
New2025-03-15 11:11Алиев планирует убить меня в тюрьме. Об этом сообщил азербайджанский оппозиционер Тофиг Ягублу.
-
New2025-03-15 11:07«Это не первый раз, когда наш парламент требует от Европейской комиссии и Верховного представителя принять меры, чтобы они наложили санкции на лидеров Азербайджана и высокопоставленных чиновников, которые были ответственны за этническую чистку в Нагорном Карабахе, а теперь несут ответственность за фиктивные судебные процессы, проходящие в Баку», – заявила Alpha News депутат Европарламента от Франции Натали Луазо по итогам принятия резолюции «Незаконный арест и инсценированные судебные процессы над армянскими заложниками со стороны Азербайджана, в том числе высокопоставленными политическими представителями Нагорного Карабаха».
-
New2025-03-15 11:05В Баку два дня подряд шел "суд" над лидерами Нагорного Карабаха и другими пленными.