2025-01-22 09:23
Информагентства
Բաքվում կայացել է Արցախի ռազմաքաղաքական ղեկավարության երկրորդ դատական նիստը
Բաքվում այսօր շարունակվել է Արցախի նախկին ռազմաքաղաքական ղեկավարության դատավարությունը։ Տեղեկությունը հայտնում է Sputnik Ադրբեջանը։ Դատական նիստի ընթացքում քննարկվել են պաշտպանական կողմի միջնորդությունները:
Արցախի նախկին ԱԳ նախարար Դավիթ Բաբայանի փաստաբանը փակ հանդիպում է խնդրել պաշտպանյալի հետ։ Մեղադրող կողմը չի առարկել։
Բոլոր մեղադրյալների պաշտպանները միջնորդություններ են ներկայացրել խափանման միջոցը տնային կալանքով փոխարինելու մասին` բացառությամբ Արցախի նախկին նախագահ Արայիկ Հարությունյանի։
Ինչպես հայտնում է լրատվամիջոցը, Հարությունյանն ասել է, որ ինքն ու իր պաշտպանը տնային կալանքի համար միջնորդություն չեն ներկայացրել։
Դատական նիստին 350 մարդ է ներկա եղել։
Դատարանը հաջորդ նիստը կանցկացնի հունվարի 27-ին, այդ ժամանակ էլ կհրապարակվի միջնորդությունների վերաբերյալ որոշումը:
Հիշեցնենք` հունվարի 17-ին Ադրբեջանում սկսվեցին Արցախի նախկին ռազմաքաղաքական առաջնորդների գործով դատական լսումները: Մեղադրյալների թվում են Լեռնային Ղարաբաղի նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, Պաշտպանության բանակի նախկին հրամանատար Լևոն Մնացականյանը, Պաշտպանության բանակի հրամանատարի նախկին տեղակալ Դավիթ Մանուկյանը, արտաքին գործերի նախկին նախարար Դավիթ Բաբայանը և Ազգային ժողովի նախագահ Դավիթ Իշխանյանը: Վարդանյանի գործն առանձնացվել է և ընթանում է առանձին վարույթով: Բաքվի դատարանը Ռուբեն Վարդանյանին ժամանակ տվեց նյութերը ուսումնասիրելու համար, սակայն մերժեց համատեղել նրա գործը մյուսների հետ։
Sputnik Արմենիա
ПОСЛЕДНИЕ ОТ АВТОРА
-
New2025-06-17 11:11Центральный совет Ай Дата распространил следующее заявление:
-
New2025-06-17 11:08Сроки запуска нового международного мультимодального маршрута из Китая в Армению изменились из-за ирано-израильской эскалации. Об этом Sputnik Армения сообщил вице-президент торгово-промышленной палаты Армении Карен Иванов.
-
New2025-06-17 11:05Участники конференции "Отношения государства и церкви: современные проблемы" осудили нападки властей Армении на Армянскую Апостольскую церковь.
-
New2025-06-17 11:02Президент США Дональд Трамп досрочно покинул саммит G7 в Канаде из-за событий на Ближнем Востоке и вернулся в Вашингтон. Об этом сообщила пресс-секретарь Белого дома.