2025-01-23 19:46
Информагентства
Տասնամյակներով կուտակված խնդիրների թնջուկի մասն է․ Զախարովան՝ հայ գերիների վերադարձի մասին
Ռուսաստանը հավատարիմ է մնում եռակողմ պայմանավորվածություններին, որոնք ուղղված են Հայաստանի և Ադրբեջանի միջև հումանիտար խնդիրների լուծմանը: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով Բաքվում գերության մեջ գտնվող Լեռնային Ղարաբաղի առաջնորդների և մյուս հայերի ազատ արձակման մասին հարցին:
Զախարովան ընդգծել է, որ գոյություն ունեցող հարցերից շատերը սրվել են տասնամյակների ընթացքում:
«Այս խնդիրները մի վայրկյանում չեն առաջացել, դա տարիներ շարունակ ձևավորված բարդ թնջուկի մի մասն է։ Դրանք պետք է լուծել Ռուսաստանի մասնակցությամբ ձեռք բերված եռակողմ պայմանավորվածությունների հիման վրա»,- նշել է նա։
Զախարովայի խոսքով՝ Մոսկվան պատրաստ է Երևանին ու Բաքվին աջակցել փախստականների իրավունքների պահպանման, մշակութային և կրոնական ժառանգության պահպանման, անհետ կորածների որոնման, ինչպես նաև պահվող անձանց փոխանակման և վերադարձի հարցերում: Այդ միջոցառումները, նրա կարծիքով, կարող են բարելավել կողմերի միջև երկխոսության մթնոլորտը։
Հիշեցնենք, որ հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով դատավարությունը: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին, դատարանը որոշել է 422 հատորներից 400-ը դիտարկել առանձին:
Sputnik Արմենիա
ПОСЛЕДНИЕ ОТ АВТОРА
-
New2025-06-20 06:07Новым главой разведки Корпуса стражей исламской революции Ирана (КСИР, часть вооруженных сил Ирана) стал Маджид Хадеми. Об этом сообщает агентство Fars.
-
New2025-06-20 06:02Президент США Дональд Трамп в ближайшие две недели примет решение по возможной атаке на Иран. Об этом заявила пресс-секретарь Белого дома Каролин Левитт.
-
New2025-06-20 05:59Иран намерен предпринять юридические шаги в ответ на бездействие гендиректора Международного агентства по атомной энергии (МАГАТЭ) Рафаэля Гросси в связи с ударами Израиля по ядерным объектам Исламской республики. Это следует из письма главы Организации по атомной энергии Ирана Мохаммада Эслами, адресованного гендиректору МАГАТЭ, сообщает РИА Новости.
-
New2025-06-20 05:55"Суд" над армянскими пленными, включая бывшее военно-политическое руководство Нагорного Карабаха, продолжился в четверг в Баку.