2025-01-27 10:33
Информагентства
Միջազգային իրավունքի նորմերի անարգանք․ ՀՅԴ ԳՄ-ն՝ Փաշինյանի վերջին հայտարարության մասին
Հայոց ցեղասպանության փաստը կասկածի տակ դնող հայտարարությունն ուրացման հակաքաղաքակրթական վարք է։ Այն ոչ միայն բավարարում է թուրքական նախապայմանները, այլև անարգում է 4 տասնյակից ավելի երկրների կողմից Հայոց ցեղասպանության ճանաչման, որոշ դեպքերում՝ քրեականացնելու իրողությունը, ցեղասպանության կանխարգելման դեմ համամարդկային ջանքերն ու միջազգային իրավունքի նորմերը։ Այս մասին նշված է ՀՅԴ Հայաստանի Գերագույն մարմնի տարածած հայտարարության մեջ։
ՀՀ վարչապետ Նիկոլ Փաշինյանը Ցյուրիխում շվեյցարահայ համայնքի հետ հանդիպման ժամանակ ասել էր, թե դեռ պետք է հասկանալ Հայոց ցեղասպանության ժամանակ ինչ է տեղի ունեցել և թե ինչու է Հայաստանի օրակարգում հայտնվել այդ հարցը։
«Պետք է հասկանանք՝ լավ, ինչ է տեղի ունեցել և ինչու է տեղի ունեցել, ինչպե՞ս և ու՞մ միջոցով ենք դա ընկալել։ Ո՞նց է, որ 1939 թվին Հայոց ցեղասպանության օրակարգ չի եղել, ո՞նց է, որ 1950 թվին Հայոց ցեղասպանության օրակարգ է հայտնվել»,- ասել է Փաշինյանը և հավելել, որ այս բոլոր հարցերը դեռ պետք է հասկանալ։
«Այս դատապարտելի հայտարարությունը նսեմացնում է Հայոց ցեղասպանության միջազգային ճանաչման ուղղությամբ հայ ժողովրդի տարբեր սերունդների կողմից գեներացված քաղաքական, գիտական, հասարակական ժառանգությունը, մեր հավաքական պայքարն ու զոհաբերումը։ Այն անարգանք է Հայ Առաքելական Սուրբ եկեղեցու կողմից սրբադասված 1915 թվականի Հայոց ցեղասպանության զոհերի, մեկուկես միլիոն հայ նահատակների հիշատակին»,- ընդգծված է ՀՅԴ Հայաստանի ԳՄ հայտարարության մեջ։
Գերագույն մարմինը վերահաստատում է, որ Հայոց ցեղասպանության ճանաչումը, մեր ժողովրդի իրավունքների վերատիրացումն անժամկետ է։ Այն հիմնված է միջազգային իրավունքի, պատմական արդարության վերականգման կենսական պահանջի վրա, բխում է հայ ժողովրդի և հայոց պետականության ռազմավարական շահերից։
Ցեղասպանության դատապարտումը, հետևանքների վերացումը կարևոր են հետագայում բացառելու և կանխելու մարդկության դեմ նման հանցագործությունները։
Միաժամանակ, ԳՄ-ն շեշտում է՝ Հայոց ցեղասպանության միջազգային ճանաչման պահանջից հրաժարվելը չի չեզոքացնելու Հայաստանի Հանրապետության դեմ թշնամական, ծավալապաշտպական նկրտումները, անվտանգության սպառնալիքները։
Հայտարարության մեջ շեշտադրվում է, որ սա թշնամական քաղաքականություն է, ուղիղ մարտահրավեր մեր ազգային անվտանգությանը, սպառնալիք մեր պետականության գոյությանն ու աշխարհասփյուռ հայության կենսական շահերին։
Հիշեցնենք, որ հունվարի 25-ին Հանրային հեռուստաընկերությանը տված հարցազրույցում ՀՀ վարչապետ Նիկոլ Փաշինյանը կրկին խոսել է իրական և պատմական Հայաստանների, Արարատի և Արագածի մասին։ Նա վստահ է, որ Արարատի խոսույթի ներքո անհնար է մարտունակ բանակ ունենալ ու նոր զենքեր գնել։ Համոզված է, որ եթե Արարատի նկարով ասենք՝ մեզ զենք տվեք, ոչ մեկ մեզ զենք չի տալու, որովհետև ոչ մեկ չի ուզում մեր պատճառով Թուրքիայի հետ կոնֆլիկտի մեջ մտնել։
ПОСЛЕДНИЕ ОТ АВТОРА
-
New2025-04-29 16:50Центральный офис Ай Дата Бюро АРФ Дашнакцутюн обратился к должностным лицам Организации по безопасности и сотрудничеству в Европе (ОБСЕ) с просьбой поддержать освобождение 23 армянских пленных, удерживаемых в Баку, и предложил использовать имеющиеся в распоряжении ОБСЕ инструменты для оценки законодательных и административных процедур, регистрации фактов и вынесения соответствующих рекомендаций и советов в контексте обязательств Азербайджана в рамках ОБСЕ.
-
New2025-04-29 15:18В посольстве 30 апреля с 10:00 до 13:00 и с 15:00 до 17:00 будет открыта книга соболезнований. Об этом говорится в сообщении, распространенном посольством Ирана в Армении.
-
New2025-04-29 15:16Внук Анастаса Микояна, основатель рок-группы "Цветы", композитор и продюсер Стас Намин вместе с семьей получил армянские паспорта. Об этом он сообщил на пресс-конференции в мультимедийном пресс-центре Sputnik Армения.
-
New2025-04-29 15:14Сотрудники правоохранительных органов в масках ворвались в здание Ереванского уголовного суда общей юрисдикции и, повалив на землю судью Артуша Габриеляна, судившего оппозиционеров, заламывая ему руки, заключили его под стражу. По данным источников Euromedia24, одновременно с судьей СНБ задержала и помощника судьи.