2025-01-29 09:33
Информагентства
Հայկ Դեմոյանը դատախազին հրավիրել է քննարկել Ցեղասպանության մասին իշխանությունների հայտարարությունների իրավաչափությունը
Հայոց ցեղասպանության թանգարան-ինստիտուտի նախկին տնօրեն, պատմական գիտությունների դոկտոր Հայկ Դեմոյանը ՀՀ գլխավոր դատախազ Աննա Վարդապետյանին հրավիրել է քննարկելու իշխանությունների կողմից Հայոց ցեղասպանության պատմական փաստը ժխտելու փորձերը, դրանք կանխարգելելու և քրեական պատժի ենթարկելու իրավաչափության հարցը:
Նա նշել է, որ քննարկման օրակարգում կլինեն 2018-2024թթ. ընթացքում գործող իշխանությունների կողմից Հայոց ցեղասպանության թանգարանում իրականացված մի շարք կոռուպցիոն գործողությունների, ադրբեջանական հակահայ ռասիստական քարոզչությանը նպաստող դրվագների ներկայացումը և դրանք պատժելու հնարավորությունը։
Նրա առաջարկած օրակարգում պետք է լինի Հայոց ցեղասպանության թանգարան-ինստիտուտում գողություն կատարելու դեպքով 2007թ. հարուցված քրեական գործի վերաբացման հնարավորության քննարկումը և ծանոթացումը գողություն կատարելու մեջ կասկածվող ՀՀ արտգործնախարար Արարատ Միրզոյանի և Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյանի քրգործի շրջանակում տված ցուցմունքներին:
Դեմոյանը նշել է, որ պետք է քննարկվի նաև 2017-2018թթ. Հայոց ցեղասպանության թանգարան-ինստիտուտում ավազակային երկու ներխուժման արդյունքում հաստատությանը նյութական վնաս հասցնելու դրվագների ներկայացման հարցը, այդ թվում՝ չհրապարակված տեսանյութերի տեսքով: Նա առաջարկել է պարզաբանել 2021թ. ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում քննվող քրեական գործի արգելափակման և դատաքննության փուլ չտեղափոխելու հանգամանքները:
Դեմոյանի առաջարկած հաջորդ հարցը Հայոց ցեղասպանության թանգարան-ինստիտուտի անվան տակ իրականացված փողերի լվացման, առանձնապես խոշոր չափի գումարների յուրացման, կարևոր ֆինանսական փաստաթղթերի ոչնչացման փաստերի ներկայացումն է:
«Ինչպես տեսնում եք, բոլոր ներկայացված հարցերը խիստ կարևոր են մեր երկրի անվտանգության տեսանկյունից և դրանք բացարձակ կապ չունեն որևէ անձի շահերի ու նպատակների իրագործման հետ»,- գրել է նա:
Պատմաբանն առաջարկել է հանդիպումն անցկացնելու համար ստեղծել ժամանակավոր հանձնաժողով։ Դրանում կընդգրկվեն «Սրբազան պայքար» շարժման առաջնորդ Բագրատ արքեպիսկոպոս Գալստանյանը, ԱԺ «Հայաստան» խմբակցության պատգամավորներ Գեղամ Մանուկյանը և Աննա Գրիգորյանը, նախկին ՄԻՊ Արման Թաթոյանը, Հայոց ցեղասպանության թանգարան-ինստիտուտի հոգաբարձուների խորհրդի նախկին անդամներ Աշոտ Մելքոնյանը, Ռուբեն Սաֆրաստյանն ու Ռուբեն Մելքոնյանը, ինչպես նաև Ազգային դեմոկրատական բևեռի խորհրդի անդամ Արա Պապյանը և Հայաստանի Եվրոպական կուսակցության նախագահ Տիգրան Խզմալյանը։
Armenia Today
ПОСЛЕДНИЕ ОТ АВТОРА
-
New2025-05-13 09:57Попытки пересмотреть историческую и военную значимость победы СССР в Сталинградской битве – это очередной компонент антироссийской пропаганды, направленный на лишение армянского народа исторической памяти. Такую точку зрения в подкасте "Абовян TIME" на радио Sputnik Армения выразил доктор политологии, профессор Стэнфордского университета Артур ХАЧИКЯН.
-
New2025-05-13 09:50Госдепартамент США 12 мая анонсировал новые санкции против Ирана.
-
New2025-05-13 09:47По сути, на Общественном телевидении было сказано, что существовал проект под названием «Гитлеровская Армения». Об этом в беседе с Alpha News заявил соучредитель гражданской инициативы «Мост» Арман Абовян, ссылаясь на скандальные заявления о Великой Отечественной войне Арцруна Ованнисяна – начальника Командно-штабного института Военной академии имени В. Саргсяна.
-
New2025-05-13 09:42Минздрав Армении прокомментировал заявления бывшего директора Национального центра лечения зависимостей Сурена Назиняна, прозвучавшие в его интервью изданию Hetq.