2025-01-29 10:59
Информагентства
ՀՀ ՊՆ-ին առնչվող մի շարք քրեական գործեր են քննվում Հակակոռուպցիոն կոմիտեում. «Հրապարակ»
ՀՀ հակակոռուպցիոն կոմիտեում ՀՀ պաշտպանության նախարարությանն առնչվող մի շարք քրեական գործեր են քննվում։ Այս մասին գրել է «Հրապարակ» օրաթերթը։
Քրեական գործերից մեկը վերաբերում է 10 ձնագնացների ձեռքբերմանը։ Ըստ օրաթերթի` ՊՆ-ն եվրոպական արտադրության ձնագնացներ է գնել շուկայական արժեքից մի քանի անգամ թանկ գնով։ Մինչդեռ նույն ձնագնացներից, բայց անհամեմատ ավելի ցածր գնով և ընդամենը 2 հատ ձեռք է բերել Զանգեզուրի պղնձամոլիբդենային կոմբինատը։
Նշվում է, որ ձնագնացների ձեռքբերման հետ կապված քրեական վարույթ է նախաձեռնվել դեռ 2024 թվականին։
Քրեական վարույթներից մյուսն առնչվում է պաշտպանության նախարարության կողմից իրականացվող շինարարական աշխատանքների ընթացում տեղի գտած թերացումներին։ Այս գործով 7 մեղադրյալ կա, որոնց մեծ մասը կալանքի տակ են։
«Մեծ չարաշահումներ են եղել` կապված բետոնապատման աշխատանքների հետ։ Շրջանառվում է ԳՇ պետի տեղակալ Կարեն Գրիգորյանի անունը, որը սերտորեն աշխատել է կապիտալ շինարարության վարչության նախկին պետի՝ Վահագն Ստեփանյանի հետ։ Ստեփանյանը համակարգում նախարար Պապիկյանի մարդկանցից էր համարվում, վերջերս ազատվել է աշխատանքից»,– գրում է թերթը։
Թերթի աղբյուրները նաև տեղեկացնում են, որ նմանատիպ միջադեպ եղել է նաև Երկրորդ բանակային կորպուսի հատվածում։ Երկրորդ բանակայինի հրամանատար Գարեգին Պողոսյանը հրաժարվել է անորակ շինարարություն ընդունել, սակայն միջադեպը հետագայում հարթվել է։
Անորակ շինարարության մասին լուրերը, ըստ օրաթերթի, հասել են ՀՀ վարչապետ Նիկոլ Փաշինյանին և առնվազն երկու կառույց՝ հակակոռուպցիոն կոմիտեն և ԱԱԾ-ն այժմ ինտենսիվ ստուգումներ են իրականացնում ՊՆ–ում, սակայն մեծ խախտումներ չեն գտնում, քանի որ թե՛ մատակարարները, թե՛ պատվիրատուն շատ «գրագետ» են աշխատել։
ПОСЛЕДНИЕ ОТ АВТОРА
-
2025-06-27 22:41Сторонники архиепископа Микаэла Аджапахяна решили провести шествие к зданию резиденции Ереванского суда общей юрисдикции Еревана в Нор Норке и Аване, где будет рассмотрен вопрос о мере пресечения священнослужителя.
-
2025-06-27 22:26Архиепископ Микаэл Аджапахян, возглавляющий Ширакскую епархию Армянской Апостольской церкви, отказался от выдвижения свеой кандидатуры на пост премьер-министра Армении. Заявление Аджапахяна опубликовал его адвокат.
-
2025-06-27 22:26Глава Ширакской епархии Армянской Апостольской церкви, архиепископ Микаэл Аджапахян, задержан. Об этом сообщил его адвокат Ара Зограбян в беседе с журналистами.
-
2025-06-27 22:00Фракция блока «Честь имею» готова подписаться под процессом выражения недоверия премьер-министру при кандидатуре на эту должность архиепископа Микаэла Аджапаяна, выдвинутой независимыми депутатами Овиком Агазаряном и Акопом Асланяном, в случае согласия Католикоса всех армян и самого кандидата. Об этом говорится в заявлении политической силы.