Последние новости

Ջուր է լցնում թշնամու ջրաղացին. Արամ Ա–ն` Ցյուրիխում Նիկոլ Փաշինյանի հայտարարության մասին

Հայոց ցեղասպանության մասին իր հայտարարություններով ՀՀ վարչապետը ջուր է լցնում թշնամու ջրաղացին։ Այս մասին CILICIA TV-ի հետ զրույցում ասել է Մեծի Տանն Կիլիկիո կաթողիկոս Արամ Առաջինը։

Ավելի վաղ Ցյուրիխում Շվեյցարիայի հայ համայնքի հետ հանդիպմանը ՀՀ վարչապետ Նիկոլ Փաշինյանն ասել էր, որ պետք է հասկանալ՝ ինչ է տեղի ունեցել Հայոց ցեղասպանության ժամանակ, ինչու է դա տեղի ունեցել և ինչպես է այդ ամենն ընկալվել, ինչու Հայոց ցեղասպանության հարցը 1939 թվականին չի եղել օրակարգում, իսկ 1950 թվականին հայտնվել է։

«Մոտեցումը, որն ունեն նրանք (Թուրքիան,–խմբ.), եղել և մնում է անընդունելի մեզ համար։ Պատմական իրողություն է, որ Հայոց ցեղասպանությունը ծրագրվել է Օսմանյան կայսրության կողմից։ Դա վիճելի չէ ու չի կարող քննարկման ենթակա հարց լինել»,– ասել է վեհափառը։

Արամ Առաջինը նշել է նաև, որ զարմացած է ՀՀ վարչապետի նման հայտարարությունից, քանի որ Նիկոլ Փաշինյանը այսպիսով փաստացի քննարկման առարկա է դարձնում Հայոց ցեղասպանության ծրագրավորված լինելու անվիճելի փաստը։

Զրույցի վերջում վեհափառ հայրապետը հիշեցրել է, որ առաջնորդվելով իրապաշտ քաղաքականությամբ և հակասություններ ստեղծելով համազգային արժեքների և խորհրդանիշների շուրջ` ՀՀ վարչապետը անիմաստ վեճերի առիթ է տալիս:

Ըստ վեհափառի` այս ամենից հայ ազգը պետք է հեռու մնա, քանի որ հիմա ավելի, քան երբևէ ազգային ուժերի համախմբումը ՝ լինի Հայաստանում, թե սփյուռքում, համահայկական օրակարգի հրամայական է։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ