Последние новости

ԶՊՄԿ-ի աշխատակիցների միջև ծեծկռտուք է եղել զենքի գործադրմամբ. 8 մարդ է բերման ենթարկվել

ԶՊՄԿ-ի աշխատակիցների միջև ծեծկրտուք է տեղի ունեցել զենքի գործադրմամբ. կան տուժածներ ու բերման ենթարկվածներ։

Sputnik Արմենիայի տեղեկություններով` ծեծկռտուքը տեղի է ունեցել գործադուլ հայտարարած և գործադուլին դեմ արտահայտվող աշխատակիցների միջև։ Գործադուլ անողները զենքով, դանակներով հարձակվել են ԶՊՄԿ-ի այն աշխատակիցների վրա, որոնք դեմ են գործադուլին։

Ներքին գործերի նախարարության մամուլի ծառայությունից ասացին, որ ահազանգ ստացել են Քաջարանի Պոչամբար թաղամասում տեղի ունեցած ծեծկռտուքի վերաբերյալ։

«Դեպքի վայր են գնացել ոստիկաններ, կանխվել են հետագա զարգացումները։ Այս պահի դրությամբ կա 8 բերման ենթարկված»,-ասաց ՆԳՆ մամուլի խոսնակ Նարեկ Սարգսյանը։

Ավելի վաղ հայտնել էինք, որ հունվարի 31–ի առավոտից ԶՊՄԿ ավելի քան 200 աշխատակից գործադուլ է անում՝ պահանջելով աշխատավարձերի բարձրացում: ԶՊՄԿ ղեկավարությունը հայտարարություն էր տարածել` նշելով, որ կդիմի խիստ քայլերի, եթե նրանք չդադարեցնեն գործադուլը։ Փետրվարի 4–ին կոմբինատի ղեկավարության և գործադուլ հայտարարած աշխատակիցների միջև կայացած հանդիպումը որևէ արդյունքի չի հանգեցրել։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ