2025-02-06 16:53
Информагентства
USAID-ի որոշ ծրագրեր կարող են պահպանվել. Թրամփի վարչակազմը զտման գործընթաց է սկսել
Դոնալդ Թրամփի վարչակազմը որոշել է վերանայել ԱՄՆ Միջազգային զարգացման գործակալության (USAID) ծրագրերը, որպեսզի պարզի` դրանցից որոնք են համապատասխանում երկրի ազգային շահերին: Գվատեմալայի նախագահ Բեռնարդո Արևալոյի հետ համատեղ ասուլիսի ժամանակ այս մասին ասել է ԱՄՆ պետքարտուղար Մարկո Ռուբիոն։
Նա նշել է, որ վերլուծության արդյունքում կընտրվեն այն ծրագրերը, որոնց ֆինանսավորումը կշարունակվի:
Ռուբիոն նաև հայտարարել է, որ USAID-ի որոշ աշխատակիցներ խախտել են արտասահմանյան օգնության ծրագրերի ֆինանսավորումը 90 օրով դադարեցնելու հրահանգը։
«Դա բարեգործություն չէ, դրանք մասնավոր միջոցներ չեն, այլ ամերիկացի հարկատուների փողերը, և մենք պարտավոր ենք ծախսերը խելամտորեն կատարել», - նշել է նա։
Հիշեցնենք` ամերիկյան վարչակազմի որոշմամբ Վաշինգտոնում փակվել է USAID–ի կենտրոնակայանը, շենքից հանվել է ցուցանակը: Փետրվարի 5-ին հայտնի դարձավ, որ գործակալությունն ամբողջ աշխարհի իր վարձու անձնակազմին ուղարկում է հարկադիր պարապուրդի։
Այժմ USAID–ի տնօրենի պարտականությունները Սամանտա Փաուերի փոխարեն կատարում է ԱՄՆ պետքարտուղար Մարկ Ռուբիոն: Ավելի վաղ նա հայտարարել էր, որ գործակալությունը պատշաճ կերպով չի համագործակցել Պետքարտուղարության նոր ղեկավարության հետ:
Սպիտակ տան մամուլի քարտուղար Քերոլայն Լիվիտը, խոսելով USAID–ի ծախսերի մասին, գործակալության կողմից գումարների բաշխման համակարգն անվանել էր «վատնում և չարաշահում»:
Sputnik Արմենիա
ПОСЛЕДНИЕ ОТ АВТОРА
-
New2025-03-14 19:49Генсек НАТО Марк Рютте подтвердил, что вопрос вступления Украины в альянс больше не стоит на повестке дня.
-
New2025-03-14 19:46Министр иностранных дел Грузии Мака Бочоришвили прияла чрезвычайного и полномочного посла США в Грузии с Робин Данниган с кем обсудила повестку дня сотрудничества двух стран, сообщает пресс-служба МИД Грузии.
-
New2025-03-14 19:43Пресс-секретарь Белого дома Каролин Левитт уточнила, что с президентом РФ Владимиром Путиным говорил не американский лидер Дональд Трамп, а его советник Стив Уиткофф, ранее посетивший Москву.
-
New2025-03-14 19:41Генеральный секретарь НАТО Марк Рютте заявил, что отношения с Россией должны быть в конечном итоге нормализованы после окончания войны в Украине.