2025-02-10 09:37
Информагентства
Կոպիրկին․ Մոսկվան վճռական է օգնելու Երևանի և Բաքվի հարաբերությունների կարգավորմանը
Հայաստանում ՌԴ դեսպան Սերգեյ Կոպիրկին հաստատել է ռուսական կողմի վճռականությունը՝ օգնելու Երևանի և Բաքվի միջև հարաբերությունների կարգավորմանը: Նրա խոսքով ՝ հայ-ռուսական երկկողմ երկխոսության օրակարգում Մոսկվան առաջնային ուշադրություն է դարձնում տարածաշրջանային անվտանգության հարցերին:
«Ռուսաստանը վճռական է անհրաժեշտ աջակցություն ցուցաբերել Հայաստանի և Ադրբեջանի միջև հարաբերությունների կարգավորմանը բոլոր ուղղություններով՝ Ռուսաստանի, Հայաստանի և Ադրբեջանի ղեկավարների կողմից 2020-2022 թվականներին ձեռք բերված եռակողմ պայմանավորվածությունների զարգացման, այդ թվում ՝ հավասարակշռված և փոխադարձ ընդունելի խաղաղության պայմանագրի դրույթների մշակման, սահմանների դելիմիտացիայի և դեմարկացիայի և հաղորդակցությունների ապաշրջափակման գործում», - հայտարարել է Կոպիրկինը ելույթ ունենալով ՌԴ դիվանագիտական աշխատողի օրվա կապակցությամբ ընդունելության ժամանակ:
Նրա խոսքով, ռուս-հայկական դաշնակցային հարաբերությունները հարմարվում են տարածաշրջանում և աշխարհում նոր իրողություններին, սակայն առանցքային տարրը մնում է երկու կողմերի համոզմունքն առ այն, որ սերտ ռազմավարական գործընկերությունը համապատասխանում է երկու երկրների և եղբայրական ժողովուրդների արմատական շահերին: Կոպիրկինը նշել է, որ այդ տրամադրվածությունը հաստատել են հունվարի 21-ին Մոսկվայում կայացած Ռուսաստանի և Հայաստանի արտգործնախարարներ Սերգեյ Լավրովի և Արարատ Միրզոյանի բանակցությունները:
«Մեր հարաբերությունների կարևոր բաղադրիչ են մնում մշակութային-հումանիտար կապերը, փոխգործակցությունը կրթության ոլորտում, միջանձնային շփումները, որոնց պահպանման գործում մեծ դեր են խաղում հայրենակիցների կազմակերպությունները», - հայտարարել է Կոպիրկինը:
Sputnik Արմենիա
ПОСЛЕДНИЕ ОТ АВТОРА
-
2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".