2025-02-12 09:05
Информагентства
Իշխան ՍԱՂԱԹԵԼՅԱՆ․ ՓԱՇԻՆՅԱՆԸ ՀՈՂ Է ՆԱԽԱՊԱՏՐԱՍՏՈՒՄ ԻՐ ՆՈՐ ԶԻՋՈՒՄՆԵՐԸ ՀԻՄՆԱՎՈՐԵԼՈՒ ՀԱՄԱՐ
Ֆրանսահայերի հետ հանդիպմանը ՀՀ վարչապետ Նիկոլ Փաշինյանի` ՀՅԴ գաղափախոսության մասին հայտարարությունները պատահական չեն. նպատակը նոր զիջումների համար հող նախապատրաստելն է։ Sputnik Արմենիայի հետ զրույցում այս տեսակետը հայտնեց «Հայաստան» խմբակցության պատգամավոր, ՀՅԴ Գերագույն մարմնի ներկայացուցիչ Իշխան Սաղաթելյանը։
Ֆրանսիայի հայ համայնքի հետ հանդիպման ժամանակ վարչապետ Նիկոլ Փաշինյանն ասել է, որ Հայաստանի երրորդ հանրապետության հիմնադրման առաջին օրից երկրում եղել է միայն մեկ կուսակցություն՝ ՀՅԴ, և բոլոր կուսակցությունները գործել են Հայ հեղափոխական դաշնակցության գաղափարախոսության ներքո։
«Փաշինյանը պետք է հասկանա, որ ՀՅԴ նպատակը մշտապես եղել է Հայաստանը, ՀՀ ինքնիշխանությունը, տարածքային ամբողջականությունը, և դա ամենևին չպետք է հակադրության մեջ դնել մեր մյուս իրավունքների հետ` կլինի դա Ցեղասպանության միջազգային ճանաչումը կամ Արցախի հայկականությունը, որի համար մղված պայքարը ՀՀ–ի դեմ ուղղված չէր, ինչպես փորձում էր այդպեսին դարձնել Նիկոլ Փաշինյանը»,– նշեց Սաղաթելյանը։
Կառավարության ղեկավարի նման հայտարարությունները, ըստ նրա, դրդված են այն կապիտուլյացիայի պայմանագրից, որը Փաշինյանը կոչում է խաղաղության պայմանագիր և քննարկում Ադրբեջանի նախագահ Իլհամ Ալիևի հետ։ Սաղաթելյանի կարծիքով` այդ պայմանագրում կա մի կետ, որտեղ Փաշինյանն Ալիևի առաջ պարտավորվում է, որ կսահմանափակվի բոլոր այն հասարակական–քաղաքական ուժերի գործունեությունը, որոնք կարծարծեն վերոնշյալ հարցերը։
«Հետևաբար Նիկոլ Փաշինյանը հող է նախապատրաստում իր նոր զիջումները հիմնավորելու համար»,– ավելացրեց ՀՅԴ ներկայացուցիչը։
Նա անդրադարձավ նաև ՀՀ վարչապետի մյուս հայտարարությանը, որ եթե ի վիճակի լինեինք մեր պատմությունից դասեր առնել, գաղափարապես դաշնակցական չէինք լինի։
«Եթե պատմությունից դասեր քաղեինք, ապա Փաշինյանի նման ապազգային տարրերն իշխանության ղեկին չէին հայտնվի, Արցախն այսօր օկուպացված չէր լինի, թշնամին ՀՀ տարածքում չէր լինի։ Խնդիրը ոչ թե այն գաղափարախոսությունն է, որ մենք դավանում ենք, այլ խնդիրը Փաշինյանի դավանած գաղափարախոսությունն ու էությունն էր, որ մեզ բերեց, հասցրեց այս վիճակին»,– ընդգծեց Սաղաթելյանը։
Դիտարկմանը, որ սփյուռքահայերի հետ Փաշինյանի յուրաքանչյուր հանդիպմանը տարբեր վիճելի հարցերի շուրջ որևէ մեկը նրան չի հակադարձում, Սաղաթելյանը վստահեցրեց, որ դաշնակցականները այդ հանդիպումներին չեն եղել։ Իսկ ընդհանուր առմամբ, նրա գնահատմամբ, Փաշինյանն այս հանդիպումներով ամեն կերպ փորձում է այն տպավորությունը ստեղծել, թե իբր նրան դեռ սփյուռքում ընդունողներ կան։
ПОСЛЕДНИЕ ОТ АВТОРА
-
2025-07-30 20:50Две эти новости следует читать вместе, друг за другом (заголовки: "«Гражданский договор»: Российская агентура хочет предоставить России коридор по территории Армении", "Президент РА рассказал жителям Сюника о важности открытия дороги, соединяющей Азербайджан и Нахиджеван").
-
2025-07-30 19:39Международный Комитет Красного Креста все еще не располагает информацией о том, как решился вопрос с транспортировкой тела Веры Агасян, скончавшейся в оккупированном Азербайджаном Арцахе.
-
2025-07-30 19:37Временный государственный управляющий компании "Электросети Армении" Романос Петросян провел встречу с председателем Комиссии по регулированию общественных услуг Армении Месропом Месропяном. Об этом сообщает официальная страница КРОУ в соцсети.
-
2025-07-30 19:32Анаит Аванесян передала Министерство здравоохранения в «концессионное управление» Арсену Торосяну. Об этом в соцсетях написала глава общественной организации «Право на здоровье» Ануш Погосян.