Последние новости

ՀՀԿ-ն պահանջում է, որ Փաշինյանը հրապարակի ՄԽ-ի առաջարկները և ՀՀ-ի պատասխանները

ԱԺ նախկին փոխխոսնակ, ՀՀԿ գործադիր մարմնի անդամ Էդուարդ Շարմազանովը ՀՀԿ-ի անունից պահանջում է, որ ՀՀ վարչապետ Նիկոլ Փաշինյանը հրապարակի ԵԱՀԿ Մինսկի խմբի առաջարկներն ու ՀՀ իշխանությունների պատասխանները։ Նա այդ մասին գրել է ֆեյսբուքյան էջում։

«Պահանջում եմ Փաշինյանից հրապարակել 1994-ից սկսած պաշտոնական բոլոր առաջարկներն ու ՀՀ իշխանությունների պատասխանները։ Թող հրապարակի, որ հասարակությունը համոզվի թե ինքը ինչպես է բերել պատերազմ ու հանձնել Արցախը»,– նշել է Շարմազանովը։

Հիշեցնենք` այսօր ԱԺ–ում կառավարության հետ հարցուպատասխանի ժամանակ Նիկոլ Փաշինյանը հայտարարեց, որ նախկին նախագահները բանակցությունների փաստաթղթերը մի դարակում չեն թողել, որ իրենք էլ ներկայացնեն հանրությանը։

Նա խոստացավ, որ ուշ թե շուտ հրապարակելու է ամենը, և հավաստիացրեց, որ դա միայն վատացնելու է նախորդ իշխանությունների վիճակը։

Sputnik Արմենիա

 

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ