2025-02-13 11:35
Информагентства
Ծառուկյան․ Հանգիստ թողնեք շրջհարկով աշխատողներին
Մեր երկրում կա սոցիալական լուրջ դժգոհությունների ալիք, և այն պահանջում է համարժեք արձագանք։ Եթե չլինի համարժեք արձագանք, պրոցեսը կարող է տանել ներքին լուրջ անկայունության։ Այս մասին ասել է ԲՀԿ առաջնորդ, գործարար Գագիկ Ծառուկյանը` հարցազրույց տալով Hayastan.news-ին։ Նա խոսել է շրջհարկի, գույքահարկի, աղբահանության վճարի բարձրացման և բողոքի ալիք ծնող այլ սոցիալական խնդիրների մասին։
ԲՀԿ առաջնորդը նշել է, որ բողոքի ակցիաները միայն Երևանում չեն, դրանք Հայաստանի տարբեր անկյուններում են։ Եվ խնդիրներն էլ միայն Երևանի սահմաններում չեն։ Դրանք վերաբերում են նաև 4 անգամ թանկացող գույքահարկին, աղբահանության վճարների էական բարձրացմանը, մարզերում կենդանիների մորթի և մսի վաճառքի գործընթացին, և ընդհանրապես պետական և տեղական ինքնակառավարման մարմինների՝ մեր քաղաքացիների նկատմամբ վերաբերմունքին:
«Կյանքը ցույց է տալիս, որ փոփոխությունները լավ հաշվարկված չեն, ունեն մշակման, ավելի խորքային ուսումնասիրության կարիք։ Հետևաբար, կարծում եմ, դրանք պետք է ժամանակավորապես սառեցնել, խոսել մասնագետների հետ, շահառուների հետ։ Չի կարելի անունը դնել «բարեփոխում», երբ այդ ոլորտի բոլոր շահառուները տուժում են։ Այդպիսի բարեփոխում չի լինում։ Այսպես լարվածությունը չի հանգստանալու»,–ընդգծել է Ծառուկյանը։
Նա իշխանությանը խորհուրդ է տվել նման փոփոխությունների գնալուց առաջ խոսել այդ ոլորտի ներկայացուցիչների հետ։ Հիշեցրել` ուժային մեթոդներով, առանց քննարկումների, «եկանք-մենք մերոնցով քվեարկեցինք» տարբերակը չի աշխատում։
«Զուտ՝ մարդկայնորեն, ես կարող եմ առաջարկել` ավելի լավ է խոշոր բիզնեսին ավելի նեղել, ավելի շատ հարկել, բայց հանգիստ թողնել շրջհարկով աշխատող մարդկանց։ Խոշորները 2-3 հազարն են, փոքր և միջինները՝ 60-70 հազար տնտեսվարող։ Ինչո՞ւ տարիներ առաջ կիրառվեց շրջանառության հարկը: Պատասխանը միակն էր՝ խթանելու համար փոքր և միջին բիզնեսը: Հիմա, եթե մենք ուզում եք հրաժարվել նրանց խրախուսելու մտքից, պետք է այդպես էլ ասենք»,–ասել է Ծառուկյանը:
Նրա կարծիքով` ժողովրդի և բիզնեսի հետ չի կարելի փորձարկումներ անել։ Փոքր, միջին բիզնեսը պետության կարևոր հենասյուններն են։ Բիզնեսի այդ շերտը եթե քանդվեց, դրա հետևանքները լինելու են աղետալի։
Նշենք, որ փոփոխությունների արդյունքում շրջանառության հարկը առևտրի սուբյեկտների համար սահմանվում է 10 տոկոս, արտադրության դեպքում` 7 տոկոս, հանրային սննդի դեպքում` 12 տոկոս։ Այս փոփոխությունը բողոքի ալիք է բարձրացրել ՀՀ–ում։
Sputnik Արմենիա
ПОСЛЕДНИЕ ОТ АВТОРА
-
New2025-03-19 19:48США должны предпринять предельно конкретные шаги, чтобы азербайджанские власти пошли на уступки и стали более сговорчивыми в вопросе возвращения армянских пленных. Такое мнение политолог, глава Армянского центра американских исследований Сурен Саркисян высказал Sputnik Армения, комментируя недавний телефонный разговор советника президента США по нацбезопасности и помощника президента Азербайджана.
-
New2025-03-19 19:44Ситуация в Стамбуле продолжает накаляться, вспыхнувшие сегодня акции протеста переросли в столкновения протестующих с полицией.
-
New2025-03-19 19:39Прокуратура требует взыскать с бывшего министра обороны Республики Армения Вигена Саркисяна сумму за квартиру на улице Абовяна и особняк в США общей стоимостью 4 миллиона 400 тысяч долларов.
-
New2025-03-19 19:3618 марта верхняя палата Федерального собрания Швейцарии – Совет кантонов, приняла постановление № 24.4259 «Мирный форум для Нагорного Карабаха: предоставить армянам возможность вернуться». Это решение, ранее принятое Национальным советом – нижней палатой Федерального собрания Швейцарии, обязывает правительство Швейцарии создать международный форум для содействия и обеспечения права на возвращение насильственно перемещенных из Нагорного Карабаха коренных армян.