Последние новости

Ադրբեջանը Հայաստանի դեմ հայց է ներկայացրել Հաագայի արբիտրաժային դատարան

Ադրբեջանը Հաագայի մշտական ​​արբիտրաժային դատարան հայց է ներկայացրել Հայաստանի դեմ՝ փոխհատուցում պահանջելով շրջակա միջավայրին հասցված վնասի և Լեռնային Ղարաբաղի եզակի բնության իբր ոչնչացման համար։ Այս մասին հայտնում է Ադրբեջանի ԱԳՆ-ն։

Հայցը ներկայացվել է փետրվարի 12-ին` հիմք ընդունելով 1979 թվականի «Եվրոպայում վայրի բուսական և կենդանական աշխարհի և բնական միջավայրերի պահպանման մասին» Բեռնի կոնվենցիան։

Հայաստանի դեմ Ադրբեջանի դատական հայցը առաջին հայտնի միջպետական ​​արբիտրաժային գորընթացն է Բեռնի կոնվենցիայի համաձայն:

Ադրբեջանի ԱԳՆ հայտարարության մեջ պնդում են, որ Լեռնային Ղարաբաղի տարածքում «Հայաստանի կողմից շրջակա միջավայրի ոչնչացման սարսափելի փաստեր» են բացահայտվել։

Ադրբեջանը Հայաստանից ամբողջական փոխհատուցում է պահանջում «բնական միջավայրի և վայրի բնության զանգվածային ոչնչացման համար»։

Ընդ որում, 2023 թվականի հունվարի 18-ին Ադրբեջանը Հայաստանին ծանուցում է ուղարկել նշված «ապացույցների» հիման վրա արբիտրաժային գործընթաց սկսելու մասին։

2023 թվականի սեպտեմբերի 15-ին հաստատվել էր արբիտրաժային դատարանի կազմը, իսկ 2024 թվականի ապրիլի 12-ին Հաագայի Խաղաղության պալատում կայացել է Ադրբեջանի և Հայաստանի միջև առաջին ընթացակարգային նիստը։

Sputnik Արմենիա

 

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ