Последние новости

Տնտեսվարողները հանդիպել են ՊԵԿ նախագահի տեղեկալի հետ. հանդիպման արդյունքներից դժգոհ են

Կառավարությունում ավարտվել է բողոքի ակցիայի մասնակից տնտեսվարողների և ՊԵԿ նախագահի տեղակալ Վրեժ Մխիթարյանի հետ հանդիպումը. տնտեսվարողները դժգոհ են հանդիպման արդյունքներից։ Այս մասին NEWS.am–ի հետ զրույցում ասաց Կարինե Գևորգյանը, որը նույնպես մասնակցում էր հանդիպմանը։

«Ոչ մի դրական բան չասացին։ Ասացին այն, ինչ միշտ՝ փաստաթղթավորման պարագայում կնվազի հարկը, հակառակ դեպքում կավելանա։ Շատ դժգոհ ենք հանդիպումից։ Բողոքի ակցիաները կշարունակվեն, պետք է քննարկենք բոլորով, հասկանանք՝ ինչպես ենք շարունակելու»,–ասաց Կարինե Գևորգյանը։

Ավելի վաղ հայտնել էինք, որ բողոքի ակցիայի մասնակից կառավարությունից ընդունել են բողոքի ակցիայի մասնակից 8 տնտեսվարողի. փակ հանդիպում է տեղի ունենում։

Հիշեցնենք, որ վաղ առավոտից տնտեսվարողները կառավարության շենքի դիմաց հերթական բողոքի ակցիան էին իրականացնում։

Նրանք նշում էին, որ հունվարի 1-ից ուժի մեջ մտած այս փոփոխությունը մի քանի անգամ ավելացրել է իրենց հարկային բեռը, ինչի հետևանքով կարող են լուրջ խնդիրների առաջ կանգնել։

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ