Последние новости

ՔՊ-ականներն փակ հանդիպման են հրավիրել առողջապահության նախարար Անահիտ Ավանեսյանին

ՀՀ ԱԺ «Քաղաքացիական պայմանագիր» խմբակցության պատգամավորներն այսօր ԱԺ–ում փակ հանդիպման են հրավիրել առողջապահության նախարար Անահիտ Ավանեսյանին: Այս մասին գրում է հայկական մամուլը։

Օրակարգում մի քանի անգամ հետաձգված ու այդպես էլ անորոշ մնացած «Առողջության համապարփակ ապահովագրության» ծրագիրն է լինելու:

«Ակնհայտ է, որ առողջապահության հարցերի մշտական հանձնաժողովի նախագահի պաշտոնում հատկապես Արսեն Թորոսյանի նշանակվելուց հետո Անահիտ Ավանեսյանին լավ օրեր չեն սպասվում»,– գրում է «ժողովուրդ» օրաթերթը:

«Հրապարակն» էլ գրում է, որ անգամ ՔՊ-ի ներսում միանշանակ չեն վերաբերվում այս գործընթացին, քանի որ ապահովագրական ֆոնդերի տնօրինումը մասնավորին կամ պետությանը հանձնելու հարցում կան տարաձայնություններ:

Առողջության համապարփակ ապահովագրությունը պետք է ներդրվեր դեռևս 2023 թվականին, ապա 2024 թվականի հուլիսին, հետո՝ 2025 թվականի հունվարի մեկին, բայց այդպես էլ մնաց օդում կախված:

Ֆինանսների նախարար Վահե Հովհաննիսյանը ԱԺ-ում 2025 թվականի պետական բյուջեի նախագծի քննարկման ժամանակ հայտարարել էր, թե 2025-ի բյուջեով առողջության համապարփակ ապահովագրության համար գումար նախատեսված չէ:

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ