Последние новости

Թրամփը հայտնել է Զելենսկուն Ուկրաինայի ճգնաժամի կարգավորման մեջ ընդգրկելու ցանկության մասին

ԱՄՆ վարչակազմը ցանկանում է Վլադիմիր Զելենսկուն ներգրավել Վաշինգտոնի և Մոսկվայի միջև ուկրաինական ճգնաժամի կարգավորման բանակցություններում։ Այս մասին կիրակի օրը Սպիտակ տան մամուլի ծառայությունում լրագրողների հետ զրույցում ասել է ԱՄՆ նախագահ Դոնալդ Թրամփը։

«Նա կներգրավվի: Այո՛»,- հակիրճ պատասխանել է նա այն հարցին, թե արդյոք Զելենսկին կներգրավվի այս խորհրդակցություններին։

Ավելի վաղ ԱՄՆ պետքարտուղար Մարկո Ռուբիոն CBS հեռուստաընկերությանը տված հարցազրույցում ասել էր, որ ԱՄՆ-ը և Ռուսաստանը դեռ պաշտոնական բանակցություններ չեն սկսել ուկրաինական ճգնաժամը կարգավորելու համար, մինչդեռ երկու երկրների նախագահները հեռախոսազրույց են ունեցել, որտեղ կողմերը «շահագրգռվածություն են հայտնել դադարեցնել հակամարտությունը»։ Սակայն ավելի ուշ, նրա պնդմամբ, խաղաղության գործընթացի մեկնարկից հետո ԱՄՆ-ը կցանկանար դրանում ներգրավել Կիևին և Եվրոպային։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ