Последние новости

Չինաստանի ԱԳՆ-ը մեկնաբանել է Թրամփի՝ ԲՐԻԿՍ-ի մասին հայտարարությունները

Մաքսատուրքերի և առևտրային պատերազմներում հաղթողներ չկան, կտուժեն միայն բոլոր երկրների ժողովուրդների շահերը, երկուշաբթի օրը կայացած ճեպազրույցում ասել է Չինաստանի ԱԳՆ խոսնակ Գուո Ցզյակունը։

Ավելի վաղ, ԱՄՆ նախագահ Դոնալդ Թրամփը հայտարարել էր, որ ԲՐԻԿՍ դաշինքը, ենթադրաբար, «մեռած» է պետությունների միության վրա մաքսատուրքեր սահմանելու իր սպառնալիքներից հետո, եթե նրանք առաջ տանեն ԱՄՆ դոլարին այլընտրանքային արժույթի իրենց ծրագրերը:

«Ինչ վերաբերում է ԱՄՆ-ի կողմից հավելյալ մաքսատուրքեր սահմանելու հարցին, Չինաստանը բազմիցս բացատրել է իր դիրքորոշումը. առևտրային կամ մաքսային պատերազմներում հաղթողներ չկան, կտուժեն միայն բոլոր երկրների ժողովուրդների ընդհանուր շահերը», - ասել է Գուո Ցզյակունը։

Նախկինում հաղորդվում էր, որ ԲՐԻԿՍ-ի երկրները քննարկել են ազգային արժույթներով հաշվարկների ընդլայնման և բլոկի ներսում միասնական արժույթ ստեղծելու հնարավորությունը, սակայն վերջնական որոշումներ այս հարցում չեն կայացվել։

ԲՐԻԿՍ-ը միջկառավարական ասոցիացիա է, որը ստեղծվել է 2006թ.-ին։ Բացի Ռուսաստանից, Բրազիլիայից, Հնդկաստանից, Չինաստանից և Հարավային Աֆրիկայից, 2024 թվականի սկզբից խմբին միացել են Եգիպտոսը, Եթովպիան, Իրանը, ԱՄԷ-ն և Սաուդյան Արաբիան։ Հունվարի 1-ից կազմակերպությունում նախագահում է Ռուսաստանը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ