Ինչո՞ւ Ռոբերտ Քոչարյանն ու Սերժ Սարգսյանը չեն միավորվում. ՀՀ 2-րդ նախագահի պատասխանը
ՀՀ երկրորդ և երրորդ նախագահները խնդիրներ չունեն, բայց չմիավորվելու պատճառն այն է, որ այդ միավորումն արդյունավետ չի լինելու։ Այսօր մամուլի ասուլիսի ժամանակ այս մասին ասաց ՀՀ երկրորդ նախագահ Ռոբերտ Քոչարյանը։
«Իմ համակիրների շարքում կան մարդիկ, որոնք չեն ընդունում ՀՀ երրորդ նախագահին, երրորդ նախագահի համակիրների և կուսակիցների մեջ նույնպես կան մարդիկ, որոնք ինձ չեն ընդունում։ Մտածել, թե կարող ենք բոլորին վերահսկել՝ ով ինչ գրի, չգրի․․․ չի լինի այդպես»,- նշեց Քոչարյանը։
Ուժերը միացնելը, ՀՀ երկրորդ նախագահի կարծիքով, երբեք ինքնանպատակ չի լինում։ Ուժերը միավորելու նպատակը պետք է լինի սիներգիայի էֆեկտ ստանալը։
«Օրինակ` 5+5-ը դառնում է 12, 11, 14։ Եթե 5+5-ը դառնում է 7, ուժերը չեն միացվում։ Մեզ մոտ պատկերն այնպիսին է, որ այդ սիներգիան չի աշխատում»,- կարծում է Քոչարյանը։
Նա մանրամասնեց, որ միավորվելու արդյունքը լինելու էր այն, որ օրինակ՝ իր համակիրների մի մասը, որոնք չեն համակրում ՀՀ երրորդ նախագահին, պասիվանալու էին, հեռանալու էին, նույն պատկերն էլ, վստահ է, երրորդ նախագահի թիմում էր լինելու։
Ինչ վերաբերում է այն զրույցներին, թե նույնիսկ Ամենայն հայոց կաթողիոս Գարեգին Բ–ն է փորձել նրանց միավորել, սակայն չի հաջողվել, Քոչարյանն ասաց՝ նման բան չի եղել։
«Վեհափառը երբեք չի էլ փորձել, որովհետև Ձեր պես (լրագրողին նկատի ունի,– խմբ․) չի մտածում, որ մենք ունենք հարաբերություններում անհաղթահարելի պրոբլեմներ, և միջնորդել է պետք այդ պրոբլեմները կարգավորելու հարցում»,- ասաց ՀՀ երկրորդ նախագահը։
Նշենք, որ երեք տարի առաջ նույն օրը Քոչարյանը մամուլի ասուլիսի ժամանակ հայտարարել էր, որ Սարգսյանի հետ հաճախ չի շփվում, և «ինչ-որ ակտիվ, հատուկ շփումներ չկան»։ Նախկին նախագահները զանգահարում են իրար, եթե ընթացքում հարցեր են առաջանում։
Այսօր մամուլի ասուլիսի ժամանակ Քոչարյանը վստահեցրեց, որ այդ առումով ոչինչ չի փոխվել։
Sputnik Արմենիա
ПОСЛЕДНИЕ ОТ АВТОРА
-
2025-03-19 06:11
Президенты России и США Владимир Путин и Дональд Трамп провели во вторник телефонные переговоры.
-
2025-03-19 06:09
Министр иностранных дел Ирана Аббас Аракчи и заместитель министра иностранных дел России Александр Грушко на встрече в Тегеране в понедельник призвали к расширению двусторонних отношений и содействию в обеспечении регионального мира и стабильности, сообщает Mehr.
-
2025-03-19 06:04
Министерство обороны Азербайджана вновь распространило дезинформацию, сообщает пресс-служба Минобороны Армении.
-
2025-03-19 06:01
Представители Бюро АРФ "Дашнакцутюн" обсудили с послом России Сергеем Копыркиным возможности активизации межпарламентского сотрудничества Армении и России. Об этом сообщает пресс-служба АРФД.