2025-02-17 18:03
Информагентства
Քոչարյան․ Բաքվում դատում են ոչ միայն Ղարաբաղի ղեկավարներին, այլ նաև Հայաստանը (ՏԵՍԱՆՅՈՒԹ)
Բաքվում ապօրինաբար պահվող Լեռնային Ղարաբաղի ռազմաքաղաքական գործիչների և մյուս հայերի հարցը պետք է բարձրացվի յուրաքանչյուր բանակցության ժամանակ։ Այս մասին մամուլի ասուլիսի ժամանակ ասաց ՀՀ երկրորդ նախագահ Ռոբերտ Քոչարյանը։
Նա ընդգծեց, որ ի տարբերություն ընդդիմության` ՀՀ իշխանությունները հստակ լծակներ ունեն, որպեսզի այդ հարցը լուծեն, բայց համապատասխան քայլեր չեն ձեռնարկում։
«Այդ մարդկանց ճակատագիրը պետք է յուրաքանչյուր հանդիպման ժամանակ լինի բանակցության սեղանի վրա, բայց չկա։ Այսօր ոչ միայն Ղարաբաղի ղեկավարներին են դատում, այլ Հայաստանի Հանրապետությունը»,– նշեց Քոչարյանը։
Այդ համատեքստում նա հիշեցրեց, որ Երևանը Հռոմի ստատուտին միանալիս պնդում էր, թե պատասխանատվության են ենթարկելու Իլհամ Ալիևին, սակայն ակնհայտ է` դրա իրական նպատակն էր ՌԴ նախագահի այցը Հայաստան խոչընդոտելը։
«Հիմա այնտեղ դատվում է Հայաստանը, ու իրենք ամեն ինչ անելու են, որ ցույց տան աշխարհին, որ Լեռնային Ղարաբաղի ինքնորոշման որևէ իրավունք գոյություն չի ունեցել, իսկ հենց սկզբից Հայաստանն իբր ագրեսիա է իրականացրել Ադրբեջանի դեմ։ Սա պրոբլեմ է Հայաստանի համար»,– հայտարարեց Քոչարյանը։
Ռոբերտ Քոչարյանի խոսքով՝ ինքն ակտիվ հեռախոսազրույցների ու քննարկումների մեջ է եղել Արցախի նախկին նախագահ Բակո Սահակյանի և մյուսների հետ, տարբերակներ առաջարկել նրանց Արցախից հանելու, որովհետև Բաքվում ընթացող այս դատավարությունը կանխատեսելի էր։
«Իրենք այնտեղ չպետք է հայտնվեին, Հայաստանի Հանրապետությունն այդ վերջին օրերին պետք է ամեն ինչ աներ նրանց հանելու համար, եթե պետք էր՝ ուղղաթիռ ուղարկեին, պայմանավորվեին խաղաղապահ ուժերի հետ։ Ես փորձում էի այդ հարցն առանց այս իշխանությունների լուծել 24-ժամյա ռեժիմով»,- ասաց Քոչարյանը։
ՀՀ երկրորդ նախագահը մտահոգված է, որ ՀՀ իշխանությունները չեն գիտակցում խնդրի ողջ լրջությունը։ Միևնույն ժամանակ, Քոչարյանի համար անհասկանալի է մնում, թե ինչու Արցախից շատ բռնագաղթածներ չեն բարձրացնում գերիների հարցը։
«Նրանք բազմաթիվ խնդիրներ ունեն, իրավիճակը հասկանալի է, բայց իրենց ձայնը պետք է բարձր հնչի»,– նշեց քաղաքական գործիչը։
Sputnik Արմենիա
ПОСЛЕДНИЕ ОТ АВТОРА
-
New2025-03-18 15:33Пять лидеров палестинского движения ХАМАС, включая двоих членов политбюро, погибли в результате израильских авиаударов по сектору Газа во вторник утром. Об это сообщил в беседе с РИА Новости источник в движении.
-
New2025-03-18 15:32Новая Конституция Армении будет документом, который не навредит миру и мирному договору, заявила министр юстиции РА Србуи Гальян.
-
New2025-03-18 15:29Верхняя палата Федерального собрания Швейцарии — Совет кантонов, приняла проект № 24.4259 под названием «Форум мира по Нагорному Карабаху: обеспечение возможности возвращения армян».
-
New2025-03-18 15:27Достойны мир и сотрудничество будут только тогда, когда Азербайджан получит соразмерный ответ и в дипломатической плоскости, и путем укрепления системы безопасности Армении и налаживания отношений Еревана с внешними партнерами. Об этом в беседе с журналистами 18 марта заявил секретарь фракции блока «Армения» Арцвик Минасян.