2025-02-18 10:18
Информагентства
Նեբենզյա․ Ուկրաինայում հակամարտության թեժ փուլի շուտափույթ ավարտի շանսեր կան
ԱՄՆ-ում հանրապետականների իշխանության գալուց հետո հնարավորություններ կան, որ ուկրաինական ճգնաժամի թեժ փուլը շուտով կարող է ավարտվել։ Այս մասին հայտարարել է ՄԱԿ-ում ՌԴ մշտական ներկայացուցիչ Վասիլի Նեբենզյան, հայտնում է ՌԻԱ Նովոստին։
«Բոլորս տեսնում ենք, թե ԱՄՆ-ում հանրապետական վարչակազմի իշխանության գալուց հետո այսօր աշխարհում ինչ գործընթացներ են տեղի ունենում։ Ինչպես և կոչ էինք անում վերջին ամիսների ընթացքում, խաղի մեջ վերջապես ակտիվորեն ներգրավվեց դիվանագիտությունը։ Հնարավորություններ են առաջացել, որ ուկրաինական ճգնաժամի թեժ փուլը կարող է շուտով ավարտվել», - ասել է Նեբենզյան ՄԱԿ-ի Անվտանգության խորհրդի նիստի ժամանակ։
Ընդ որում, ՌԴ մշտական ներկայացուցիչը հայտարարել է, որ հրադադարն ու շփման գծում ուկրաինական հակամարտության սառեցումը դրա կարգավորման երաշխիք չեն հանդիսանում:
«Սա Մինսկի կարևորագույն դասն է, և այն պետք է հաշվի առնեն նրանք, ովքեր այսօր պիտի աշխատեն հնարավոր պայմանավորվածությունների նոր ուրվագծերի վրա», – ասել է նա:
Նեբենզյայի խոսքով` Ուկրաինան «անվերադարձ» կորցրել է ԴԺՀ-ն, ԼԺՀ-ն, Խերսոնի և Զապորոժիեի մարզերը։
«Ուրեմն, իրավիճակը պետք է շտկել այն տարածաշրջաններում, որոնք դեռ մնում են Կիևի վերահսկողության տակ», – ասել է Նեբենզյան:
Ավելի վաղ ՌԴ նախագահի մամուլի քարտուղար Դմիտրի Պեսկովը հայտնել էր, որ ՌԴ նախագահի օգնական Յուրի Ուշակովը և արտգործնախարար Սերգեյ Լավրովը Պուտինի հանձնարարությամբ փետրվարի 18-ին մեկնում են Սաուդյան Արաբիա: Նրանք Էր Ռիադում ԱՄՆ ներկայացուցիչների հետ կանցկացնեն հանդիպում, որը նվիրված կլինի առաջին հերթին ռուս-ամերիկյան հարաբերությունների ամբողջ համալիրի վերականգնմանը:
Sputnik Արմենիա
ПОСЛЕДНИЕ ОТ АВТОРА
-
2025-03-17 19:47Лжец, опубликуй документ, ты, наконец, собираешься публично рассказать, что такое это так называемое мирное соглашение? Об этом в беседе с журналистами 17 марта заявил лидер движения «Во имя Родины», архиепископ Баграт Галстанян.
-
2025-03-17 19:46Семилетний воспитанник спортцентра «Дюцазнатун» фонда Hi-Am Нарек Глчян официально внесен в Книгу рекордов Гиннесса.
-
2025-03-17 19:43Йеменские силы во второй раз за последние часы атаковали американский авианосец USS Harry S. Truman, сорвав авиаудары США. Об этом сообщает Irna.
-
2025-03-17 18:58Молодые представители движения «Священная борьба» на перекрестке улицы Туманяна и Северного проспекта в Ереване проводят акцию протеста под названием «Не доверяю этим властям».