2025-02-20 10:10
Информагентства
ՄԵՐԺԵԼ ՀՀ ՆԵՐԿԱՅԻՍ ԿԱՌԱՎԱՐԻՉՆԵՐԻ ԳԱՂԱՓԱՐԱԽՈՍՈՒԹՅՈՒՆԸ. ՍԵՐԺ ՍԱՐԳՍՅԱՆՆ ՈՒՂԵՐՁ Է ՀՂԵԼ
ՀՀ երրորդ նախագահ Սերժ Սարգսյանն ուղերձ է հղել Արցախի վերածննդի օրվա և Ղարաբաղյան շարժման 37-ամյակի առթիվ` նշելով, որ պետք է հիմնավորապես մերժել ՀՀ ներկայիս կառավարիչների գաղափարախոսությունը։ Ուղերձը հրապարակել է 3-րդ նախագահի գրասենյակը։
Սերժ Սարգսյանի ուղերձը 3 մասից է բաղկացած, յուրաքանչյուրը նվիրված է ազգային հիշողության պահպանման կարևորությանը` հիշողությունը մեր ուժն է, հիշողությունն առաջ գնալու մեր ուղենիշն է, հիշողությունը գործելու մեր կամքն է։
Առաջին հերթին նախկին նախագահը կոչ է արել դիմակայել վերահաս վտանգներին, վերանորոգվել կորուստների ցավից, խուսափել անցյալի սխալներից, վերարժևորել ներկան, հիշել և փառաբանել անցյալի հաղթանակները և հերոսներին, պայքարել սեփական հայրենիքում արժանապատիվ՝ ազատ և անկախ ապրելու հիմնարար իրավունքի համար:
«Մենք հիշում ենք Ազգային զարթոնքի վերածված Ղարաբաղյան շարժումը` 37 տարի առաջ սկիզբ առած, հաղթանակով պսակված Արցախյան ազգային-ազատագրական պայքարը: Մենք հիշում ենք այդ հաղթանակները մսխած ազգուրաց պետականաքանդներին»,– ասված է ուղերձում։
Սարգսյանը հորդորել է հիմնավորապես մերժել Հայաստանի ներկայիս կառավարիչների գաղափարախոսությունը, այն է` մոռանալ սեփական արմատները, պատմությունը, հայրենի ծննդավայրը, ազգային արժանապատվությունը ու
«Հիշողությունը կորցրած ժողովուրդը վաղ թե ուշ կորցնում է նաև իր ապագան»,– գրել է 3-րդ նախագահը։
Նա ընդգծել է` հիշողությունը գործելու մեր կամքն է`
- չընդունելու պետության և հայրենիքի մասին շինծու և վտանգավոր թեզերը,
- թոթափելու անտարբերությունը,
- հաղթահարելու վախերը,
- չկորցնելու զգոնությունը,
- անվրեպ հաշվարկելու վտանգները,
- կրկին հասնելու հաղթանակի:
Հիշեցնենք` 37 տարի առաջ Լեռնային Ղարաբաղի Ինքնավար Մարզի (ԼՂԻՄ) հայության պահանջով օրակարգ մտավ տարածաշրջանը Ադրբեջանական ԽՍՀ կազմից Հայկական ԽՍՀ տեղափոխելու հարցը։ 1988 թվականի փետրվարի 20-ին ԼՂԻՄ ժողովրդական պատգամավորների 20-րդ գումարման խորհրդի արտահերթ նստաշրջանը ընդունեց որոշում, որով ամրագրում էր արցախցիների ազատ ինքնորոշվելու կամքը:
ПОСЛЕДНИЕ ОТ АВТОРА
-
New2025-03-15 10:07Армения подвергается ползучей капитуляции, которая не завершится даже при подписании некой бумаги с Азербайджаном. Об этом в беседе с корреспондентом Новости Армении – NEWS.am заявил политолог Степан Даниелян.
-
New2025-03-15 09:56Член исполнительного органа РПА Артак Закарян написал:
-
New2025-03-15 06:55Законопроект о системе штрафов в отношении пассажиров, которые пользуются общественным транспортом без оплаты билета или с чужим льготным билетом, разработан в Армении.
-
New2025-03-15 06:52Дефицит внешней торговли в 2024 г. сократился и составил 4,2 млрд долл. (3,9 млрд долл. в 2023 г.). Об этом говорится в отчете Евразийского банка развития (ЕАБР).