Последние новости

Իրանի խորհրդարանի նախագահ․ Թեհրանը լիովին աջակցում է «3+3» հարթակին

Թեհրանը լիովին աջակցում է «3+3» հարթակին, որը կնպաստի Հարավային Կովկասում խաղաղությանն ու կայունությանը: «ՌԻԱ Նովոստի-ի փոխանցմամբ՝ այս մասին Բաքվում հայտարարել է Իրանի խորհրդարանի նախագահ Մոհամմադ Բաղեր Ղալիբաֆը Միլի Մեջլիսի նախագահ Սահիբա Գաֆարովայի հետ հանդիպմանը։

«Կողմերը քննարկել են Հարավային Կովկասի տարածաշրջանում այսօր առկա նոր հնարավորություններն ու հեռանկարները։ Այս առումով Ղալիբաֆը Իրանի լիակատար աջակցությունն է հայտնել «3+3» հարթակին և համոզմունք հայտնել, որ այդ ձևաչափը կնպաստի տարածաշրջանում խաղաղությանն ու կայունությանը, ինչպես նաև քաղաքական և տնտեսական համագործակցության զարգացմանը: Նշվել է նաև, որ տարածաշրջան արտաքին երկրների ներգրավումն անընդունելի է», — «ՌԻԱ Նովոստի»-ին հայտնել են Ադրբեջանի խորհրդարանի մամուլի ծառայությունից:

AlphaNews.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ