2025-02-20 16:24
Информагентства
Բրայզա․ Թրամփը Հարավային Կովկասի վերաբերյալ քաղաքականություն չունի, թե ինչ կլինի Ադրբեջանի հետ՝ ոչ ոք չգիտի
Թրամփն այժմ պարզապես քաղաքականություն չունի Հարավային Կովկասի վերաբերյալ, նա ընդհանրապես ուշադրություն չի դարձնում դրան։ Այս մասին Vesti.az-ի հարցազրույցում ասել է Ադրբեջանում ԱՄՆ նախկին դեսպան, ԵԱՀԿ Մինսկի խմբի նախկին համանախագահ Մեթյու Բրայզան։
«Ես հարյուր տոկոսով վստահ եմ, որ նոր քաղաքականություն չկա, ինչը նշանակում է, որ Բայդենի քաղաքականությունը կշարունակվի։ Սակայն եթե ԱՄՆ և Ռուսաստանի հարաբերություններում լուրջ փոփոխություններ տեղի ունենան, Վաշինգտոնի մոտեցումը Հայաստանի նկատմամբ նույնպես կարող է փոխվել։ Բայդենը և Եվրամիությունը իսկապես ամրապնդեցին հարաբերությունները Հայաստանի հետ, քանի որ Փաշինյանը ցանկություն հայտնեց երկիրը հեռացնել ռուսական ազդեցությունից և ավելի մոտեցնել Արևմուտքին։ Այդ իսկ պատճառով Հայաստանը նման աջակցություն ստացավ։ Իհարկե, սա մեծ մասամբ Ռուսաստանի դեմ ուղղված քաղաքականություն էր։ Բայց եթե Թրամփին հաջողվի բարելավել հարաբերությունները Մոսկվայի հետ, Վաշինգտոնը կարող է նաև շտկել քաղաքականությունը Հայաստանի նկատմամբ։ Բայց հիմա, ինչպես ասացի, սա լիովին անկանխատեսելի իրավիճակ է»,- կարծում է Բրայզան։
Նրա խոսքով՝ «ոչ ոք չգիտի, թե ինչ կլինի Ադրբեջանի հետ։ Կարող եմ ասել, որ այսօր Ադրբեջանի հետ հարաբերություններն այլևս այն մակարդակի չեն, ինչ, օրինակ, Բուշի կամ Օբամայի օրոք, քանի որ Թրամփին ընդհանրապես չի հետաքրքրում Հարավային Կովկասը, և ընդհանրապես արտաքին քաղաքականությունը»։
Պատասխանելով Բաքվի և Երևանի միջև հարաբերությունների կարգավորման մասին հարցին՝ ամերիկացի դիվանագետն ասել է, որ փորձում է Թրամփին և նրա թիմին համոզել, որ արժե միջամտել այս հարցին։ «Եթե Թրամփը ցանկանում է խաղաղություն ստեղծել, սա նրա համար հիանալի հնարավորություն է։
Մենք գիտենք, որ երկու կողմերն էլ մոտ են համաձայնության, բայց Փաշինյանը լուրջ քաղաքական դիմադրություն ունի։ Հուսով եմ՝ Թրամփը կցանկանա ներդնել իր ավանդը։ Տեսնենք։ Առայժմ նա կենտրոնացած է Վաշինգտոնում իր իշխանության ամրապնդման վրա և Ուկրաինայի և Ռուսաստանի միջև խաղաղությունն առաջնահերթ է համարում»:
News.am
ПОСЛЕДНИЕ ОТ АВТОРА
-
New2025-03-15 13:58В Первопрестольном Святом Эчмиадзине состоялось заседание Высшего духовного совета под председательством Верховного Патриарха, Католикоса всех армян Гарегина II.
-
New2025-03-15 13:55Армянский национальный комитет Америки (ANCA) призвал обеспечить реальный мир на фоне сообщений о навязывании Армении одностороннего "соглашения" с Азербайджаном.
-
New2025-03-15 12:36В тюрьме в армянском городе Армавир пятеро осужденных начали бессрочную голодовку. Как заявила в беседе со Sputnik Армения начальник управления по связям с общественностью Уголовно-исполнительной службы Минюста Армении Нона Навикян, голодовку они начали 13 марта.
-
New2025-03-15 12:35Правоохранители освободили гражданина Турции, задержанного в Ереване за оскорбления и неуважительное поведение по отношению к гостям и сотрудникам отеля «Лондон», заявил адвокат Рубен Меликян. По его словам, гражданин Турции «вел себя как хозяин со слугами», на что прибывшие на место правоохранители отреагировали адекватно.